اية محمد
ماما فين
_ عند خالتك.. هتقعد عندها يومين... أنا اللي عاملة الأكل مش عاوز تدوق أكلي!!
هغير هدومي وأجي...
بعد شوية شد كرسي وقعد قدامي... حطيتله ياكل ف مسك إيدي...
_ مردتيش عليا
مكنتش بحبه.. قولت ابن عمي و اهو افضل في وسط أهلي.. بس عمري م حبيته...
_ حور.. قصدي موضوع الورث!
زي م الدين والقانون يقول.. واللي انت شايف انه في صالحي أعمله...
وحياتك عندي..
_ حياتي غالية عندك
فوق م تتصور...
_ الأكل حلو أوي....
الهروب.. كان بيهرب مني بعنيه بكلامه ب كل حاجه... مبقيتش فاهمه أنا موقعي اي في حياته...
اتعشمت!! سمعاك ي قلبي وأنت بتقولي كده... مش أنت اللي وقعت في غرامه فايدته اي الندم...
ومن غير قصد اليومين اللي والدته قررت تسيبنا فيهم لوحدنا لعلنا نوصل لشئ سوا... خلصوا في شغله و كليتي و مشاكلي مع ولاد عمي...
طب أفرح عشان اهتم انه يحللي مشاكلي ولا أزعل عشان الحلول دي هتبعدني عنه...
البعد ده البعد قاسې وأنا قلبي ميستحملش.. لو شايفه في عنيك الحب عمري م هبعد... بس مش لاقيه فيها غير الحيرة...
لما ببص فيها بتوه... كأني محتاج لمنقذ يخرجني منها من غير م أغرق...
حور سرحانه في اي.. مش هتسلمي علي ماما
_ هاا.. اه.. وحشتيني اليومين دول ي ماما...
ساكته ليه ي ماما
أنا عاوزة أعرف اخره علاقتكوا اي
في اي
في أن مراتك جايلها عريس! اي رأيك في الكلام ده
اااي!!!
زي م سمعت.... حور
والولد بكل احترام قالي انه حابب يتقدملها وطبعا منقدرش نلومه لأن حضرتك مش قايل انها مراتك!!
اسكت... اتكلم طب أقول أيه..هكتفي اني أبصله واستني منه رد...انا مش هستحمل فكره ان وجودي إجباري في حياته...
_ حصل خير ي ماما... كده كده مشاكلي اتحلت ومش هينفع نجبر يونس علي الوضع ده.. ي ريت ي يونس تجهز ورق طلاقنا عشان تتحرر من العلاقة دي...
القوة جبت منين القوة أني اقف وأقول الكلام ده... من غير حتي م عيني تدمع... يمكن قلبي بكي كتير اوي لدرجه ان خلاص خلصت الدموع!
رفضه لوجودي في المجتمع اللي هو بيتعامل فيه مؤلم... وكأني شئ لازم يستخبي..
يمكن كنت مستنيه منه يتعصب و يزعق ويقولي اني حبيبته...
كنت واقفه عند نقطه النهاية... كنت واقفه عند المكان واللحظه اللي كنت بفوق علي كوابيسها..
رفضني زوجي في مجتمعه ف شعرت وكأن كل العالم هجرني...
يونس
مشكلتي الوحيدة كانت مع السرعه اللي مرت بيها علاقتنا... بعد أقل من أسبوع من وجودها في بيتنا لقيت نفسي بوقع علي ورقه جوازنا...
بعدها ب وقت قصير بقت يومي كله.. العالم اللي عايش فيه.. السهر اللي سهرته جمبها بملي عيني منها وهي نايمة عشان خاېف من اليوم اللي هتمشي فيه...
يمكن البنت اللي عمرها 19 مش هتقع في حب المعيد الممل اللي عنده 27 سنه..
يمكن كانت فعلا الموضوع بالنسبه لها فترة وهتنقضي...
الۏجع اللي كان جوايا وهي بتتكلم ببساطه عن طلاقنا وكأنه أمر واقع مراجعتش نفسها فيه..
أحنا محتاجين نتكلم....
سحبني من أيدي لأوضتنا... قعد قصادي وانا باصه في الأرض... بس المره دي مكانش خجل... كان ۏجع بحاول أخبيه...
عايزة تطلقي
_ عايزة أحررك...
مين قال اني متقيد!
_تصرفاتك...
مبعرفش اعبر... متلغبط... كنت فاكر اني واضح مع نفسي... اني مش ساذج
وهعرف حقيقة مشاعري...
بس كنت غلطان...
_
