شروق خليل

تشوف بيت
ندا بجمود خلاص انا اللى همشي
معتز حول نظره ليها بحزن على كلامها هى نفسها ندا بتاع زمان بجبروتها و عنادها و عليا مكانتش عارفه تعمل ايه
ندا دخلت من غير ما تسمع حد
ملك ادخل هديها و اتصرف
معتز دخل وراها لقاها بتلم هدومها انت بتعملى ايه
ندا زى ما انت شايف همشي حاسه انى مليش وجود بينى و بين حبيبتك القديمه
معتز مسك منها الهدوم قلتلك انى مبحبهاش
ندا اه باين جدا
معتز ندا اعقلي احنا لسه متجوزين و معداش شهرين لسه
ندا بعصبيه حرام عليك جايبلي اكتر واحده كانت سبب في ټدمير حياتى و اهلى و جوازى تعيش معايا
معتز جوازك جوازك هو في ايه احنا ايه ! لحد دلوقتى لسه بتفكري فيه المفروض تحترمينى شويه انا لحد دلوقتى مستحمل تصرفاتك و كلامك كل شويه و طلبك للطلاق و ساكت بطلي تبقي انانيه
ندا انا اللى انانيه ! انا لو بفكر في جوازى منه مكنتش هلغيه من حياتنا انت إللى جايبها بيتى استنى بكرا الاقيك بتقولى اتجوزتها بقي و تبقي ضرتى
معتز هو انا كنت متجوز اولانى فوقي يا ندا انا و انت لحد دلوقتى مفيش بينا اى حاجه تدل على انك مراتى و لا حب ولا اى حاجه بتربطنا ببعض انت كل يوم تسالينى هطلقك امتى
ندا فضلت ساكته و معتز حس أنه زودها خرج
عليا ايه يا معتز
معتز مش عارف انا خلاص يا طنط فقدت الامل
ملك طيب انا ممكن امشي لو هتتعب
معتز خليكى انت الامل الوحيد بالنسبه ليا
عليا انا هدخلها
عليا دخلت لقيت ندا ماسكه دماغها ندا يا بنتى
ندا ماما الحقينى
ندا و قعت على الأرض مغمى عليها و عليا صوتت ندا
دعينا نعود كما كنا 
اسكريبت
بقلمي شروق خليل بارت 7
عليا شافت ندا وقعت على الارض خاڤت و صوتت ندا يا بنتى
معتز دخل بسرعه هو وملك على الصوت و شال ندا و نيمها على السرير و عليا جابت برفيوم و شممتها لحد ما فاقت شويه 
ندا شافت معتز و فضلت ماسكه دماغها بتعب و هى بتفتكر حاجات بس الصوره مش واضحه اه ھموت ايه اللى بيحصلي
معتز خاف مالك يا حبيبتى أهدى
ندا بدموع مش عارفه في اصوات كتيره و خناق في مخي مش قادره يا معتز
معتز سحبها و فضل يمسد على شعرها بإيديه بهدوء أهدى و حاولى متفكريش انا اسف
ندا هديت تماما و فجأه بقيت طبيعيه و افتكرت اللى حصل لما شافت ملك
ندا بعدت عن معتز ممكن تسيبونى لوحدى يا ماما
معتز ملك ناولينى مايه
معتز خد الكاس اشربي مايه جسمك لسه بيرتعش و بعدها هنيمك و اخرج
ندا بصتله بلوم ابعد المايه اللى هي جابتها عنى و اطلعوا يا معتز ارجوك
ملك خرجت و عليا معتز يلا يا بنى هي شويه
و هتهدى
معتز كان هيخرج و سمعها بټعيط زعل من نفسه و عليها
معتز اطلعي يا طنط انت و انا هقعد مش هطلع
عليا بصتله بحزن على بنتها و خرجت
معتز قعد جنبها و سحبها لعنده و حاوطها ندا كانت بتبعد بس هو اتكلم بهدوء نامى و متبعديش و اتأكدى انى عمرى ما هتمنى انك تزعلى منى بس فتره بس و هتفهمينى
ندا كتمت دموعها و نامت كانت حاسه انها مش قادره تصدق أنه ممكن يأذيها و إن في سبب ورا اللى بيعمله و نفسها تعرفه نفسها تفهم بيعمل معاها كدا ليه بس كل اللى
فهماه و عارفاه إحساسها اللى بيقولها دايما أنه منتمى ليها و أنها حاسه انها تعرفه من زمان كل ما تبعد تلاقي إحساسها بيقربها اكتر
في مكان تانى
نبيله كانت بتبص في المرايا على وشها و الورم و هي بتحسس عليه اااه
عماد دخل عليها عاوز اكل
نبيله بصتله بقرف و مشيت من قدامه و دخلت عملت الاكل و هى بټعيط بكرا اخلص من الهم دا و ارجع لابنى مسير كل حاجه تخلص
دعينا نعود كما كنا
بقلمى شروق خليل 
بارت 8 
ندا فتحت عيونها شافت معتز نايم حاولت تقوم بس معرفتش فضلت بصاله باهتمام ليه كدا ! انا مش عاوزاك تسيبنى زى ما كل حاجه سابتنى انا مش عارفه غيرك دلوقتى انت و بابا و ماما انا من وقت ما فقدت ذاكرتي و انا تعبانه و مليش غيركم خطيبي سابنى في فرحي و انت اللى اتجوزتنى و دى الحاجه الوحيده اللى بحمد ربنا علشانها بس ليه بتعمل معايا كدا !
معتز فتح عيونه بكسل و ندا غمضت عيونها بسرعه 
معتز باس راسها بهدوء مش لازم تمثلي انك نايمه علشان تهربي من كلامك معايا و دخل الحمام
ندا فتحت عيونها بكسوف و قامت خرجت من الأوضه قبل ما يخرج من الحمام
عليا حبيبتى بقيتى احسن
ندا ايوا ياماما الحمد لله
عليا طيب انا همشي انا بقي كان نفسي افضل بس علشان بابا مسافر النهارده
ندا حضنتها ماشي يا حبيبتى وسلميلي على بابا
عليا پخوف هتبقي كويسه !
ندا مټخافيش عليا مش هعمل حاجه تتعبنى
عليا مشيت بعد ما قالت لندا أنها عملتلها اكل و موجود في المطبخ
عند ملك كانت برا البيت بتجيب حاجات من برا لنفسها و كانت عاوزه تتكلم في الموبايل بعيد عن ندا
ملك ايوا روحت بس هي مش متقبلانى خالص و بتتعب
احمد خطيب ندا القديم طيب هنعمل ايه ! طيب معتز رأيه ايه
ملك معتز بيقول إن الدكتور قالتله إنها ذاكرتها بترجع و إننا مجبرين نكمل علشان ذاكرتها ترجع
احمد انا نفسي اعرف كل اللى حصل معاها دا حصل ازاى
ملك كلنا مش عارفين هى الوحيده اللى تقدر تعرفنا لما تبقي كويسه مين قالها إن معتز كان معايا
احمد خير إن شاء الله انت كويسه !
ملك بحزن انت متخيل إن اقرب صاحبه ليا دلوقتى مش عارفانى غير انى عدوه ليها
احمد كل حاجه هتتحل صدقينى
ملك يارب
عند ندا كانت قاعده بتتفرج على التليفزيون
معتز خرج من الاوضه لما ملقهاش و شافها قاعده
معتز باس راسها وقعد جنبها كانت بتبعد بس هو منعها كفايه تصرف العيال الصغيره دا يا ندا
ندا كانت لسه هتتكلم بس هو قاطعها طنط فين مش شايفها
ندا بهدوء ماما مشيت علشان بابا مسافر
معتز كان قاعد بيتفرج معاها بهدوء بعد ما جبرها تاخد العلاج و منعها انها تبعد عنه و تقوم تدخل الاوضه بس هى اتكلمت بضيق أومال هى فين
معتز بنفس الهدوء و هو بيمسد على شعرها مين !
ندا بعدت اللى جاي تعيش هنا و تقاسمنى في بيتى
معتز حاول يكون هادى علشان ميضغطش عليها مفيش حد يقدر يقاسمك في بيتك هي بس جايه ضي 
ملك كانت بتفتح بالمفتاح و داخله مساء الخير يارب تكونى بقيتى احسن يا ندا
ندا كانت باصه لمعتز بذهول هي خدت مفتاح البيت كمان
معتز مردش و ملك كانت واقفه مش عارفه هي عكيت ولا عملت ايه
ندا شالت ايد معتز من على ايديها واضح انها ضيفه و دخلت اوضتها
دعينا نعود كما كنا
بقلمى شروق خليل بارت 9 
ندا دخلت اوضتها من غير ما
تسمع اى كلمه من معتز و ملك بصيت لمعتز بقلة حيله انا عكيت
الدنيا صح
معتز بصلها من غير ما يتكلم و قام