زوج القاسې
دماغي سبتهم قدام الشقة ومشيت
ي لهوي وهان عليك والعيال سكتت
كتم بوقها وقال هششش اسكتي لهدي تسمعك
رد عليا انا قلبي بيقولي أنهم ف خطړ الجو برد اووي والدنيا بتمطر
ربك يسترها نامي والصباح رباح
سمعت هدي كل كلامهم لطمت علي وشها وجريت علي الاوضة جابت فلوس وجاكت علي هدوم البيت ونزلت تتسحب من الباب ولما خرجت جري علي السلم
صحيت سماح بتفتح عيونها بالعافية وقالت
ي فتاح ي عليم مين
فتحت الباب ولما شافتها لمت الروب علي جسمها كدا وشدته من عند الوسط وقالت
انتي خير
بقولك ايه هي مش سيرة ابوكي جه ورماهم ه السلم وانا دخلتهم وعشيتهم وناموا خلصنا بطلي تمثيل بقي
مش همشي من هنا من غيرهم
لا هتمشي وبطلي دوشة عشان كيمو نايم
زقتها بكل قوة برا الشقة اللي كانت بيتها وهي بتجيلها ضيفة فيه قعدت هدي علي الباب وضمھ رجلها وتقول
انا بحلم صح لازم اصحي من الکابوس دا
الجميل ماشي لوحده ليه
هي مكمله بتمشي بالعافية ويتحرك رجلها بصعوبة
الجو برد عليك ي قمر تعالي اركبي وانا ادفيكي
يالا مافيش وقت كلها كام ساعة والنهار يطلع الليل جميل ورومانسي
كملت مشي وفجأة هدت خطواتها وشدت الطرحه من علي راسها وفردت شعرها في الهوا وهي بتحركه شمال ويمين بكل طلاقه ويأس
وقالت
مانا حلوة ومرغوبة اهو امال ليه رماني كريم بدري
متابعة لصفحتي الشخصية لقراءة كل كتاباتي الورقية والفيسبوكية
يتبع
أماني عنان
الزوج القاسې
قصة اجتماعية 6
الحقني ي حافظ بنتك مش في البيت ومابتتش في سريرها امبارح
ازاي الكلام دا هتكون راحت فين
اكيد نزلت لولادها سارة وسالم
لبس ابو هدي وأمها بسرعة ونزلوا وقاصدين بيت كريم العريس اللي صباحيته النهاردة وصلوا وخبطوا عليه بقوة صحي قبل مراته الجديدة وفتح الباب وهو نايم
عمي ومرات عمي
زقته ودخلت بزعل
اوعي جتك عمي هو انت عملت حساب للعشرة ولا للحب فين هدي والعيال
فين ازاي هما مش في بيتك ي عمي سماح قالتلي انها شافتك وانت نازل بسارة وسالم امبارح
ماحصلش انا اخر حاجة قولتها هسيبهملك برا وخليهم ينشفوا من البرد
رجع كريم لورا وقال سمعت الكلام دا فعلا لكن هي
ردت حماته
انت لسه هتبسبس اوعوا انا هدخل اشوف بنفسي
ي هدي ي سارة
صحيت سماح بزهق
وبعدين بقي ف القرف دا هو الواحد مش هيعرف يرتاح ف بيته
ضحكت ام هدي وقالت بتريقة
مش لما يبقي بيتك ي خطافة الرجالة
قامت مڤزوعة وبتلم في هدومها وتغطي رجلها
انتي ايه اللي دخلك اوضتي ي ست انتي
هتعرفي دلوقتي
وقررت عشان تضربها ندها حافظ
استني ي ام هدي مش وقته
تقدم كريم وسألها باهتمام كبير وقف جامبها وحط أيده ف جيبه وقال
انتي شوفتي العيال مروحين مع جدهم
انا اصلي
اتلجلجت ومش عارفه تكدب في حضور الطرفين مافيش مجال غير الحقيقية
أماني عنان
هدي واقفه قدام باب العربية ومحتارة مش عارفه تاخد قرار تركب وتمشي في طريق مالوش مقر ولا بر امان أيدها مرتعشة ناحية الباب
اقفلي الباب دا
وانت مالك انت اوعي سيبني
هدي تعالي معايا
أيده قفلت الباب بقوة وشد أيدها وكمل كلام وهو بيسحبها لورا
ماينفعش اسيبك انتي ف نظري اجمل وارقي من كدا مش معقول هدي الناضجة الجميلة الرقيقة تمشي غلط وتقبل الراجل البغل دا يمد أيده عليها
انت شايف كدا
لعل ايه ي راجل انت ماتلم نفسك وبعدين انت مين عشان تمنعها اصلا
وقف احمد وقفل عليه باب العربية قبل ماينزل منها وقاله انا اخوها وأحمد ربنا انك مقربتش منها وأنها ماركبتش معاك
يالا اتفضل مع السلامة
احمد انت جيت أمتي من الكويت مش سافرت بعد جوازي بشهر وقررت تفضل هناك
ياااه دا موضوع طويل اووي هحكيلك كل حاجة بس تعالي معايا نتكلم ف العربية
يالا
ركب احمد جار هدي العربية وافتكرت رفضها ليه وكلامها القاسې لما كان بيتصل بيها ويبكي بالدموع عشان ماتتجوزش وتستناه لما يرجع من السفر
فكرتي ف ايه
ولا حاجة انا تعبانه اوووي ومش قادره أتمالك نفسي بعد ج
قاطعها وقال
بعد جواز كريم
انت ايه عرفك وايه اللي جابك هنا اصلا
هحكيلك كل حاجة بصي ي ستي انا نزلت من أسبوع بعد ظهور المړض الرئوي الغريب دا اللي اسمه الكورونا ناس كتير نزلت لأهلها وناس اتعملها حجر منزلي مع اهل البلد الأصلية انا بقي قررت ارجع اخاڤ اموت ف بلد غريبة وماحدش يصلي عليا واتبهدل زي مابسمع كدا
انت بتشتكي من حاجة
لا الحمد لله النتيجة سلبية ومافيش حاجة
استني اكملك عشان عندي ليكي أمانة
اتفضل بس انا جعانه
لسه همك ع بطنك
هههههه لا انا اتغيرت خالص
والله ازاي
بعد الجواز بقيت افجع وبحط همي ف الاكل
طيب هجيللك شاورما المهم امبارح قررت اجي اشوفك واعرف اخبارك فضلت واقف تحت العمارة عشان تطلعي واشوفك وماحصلش قررت اتحرك بقي عشان المطر لكن فجأة شوفت ولادك بټعيط وواقفه علي الباب ورا جدهم وابوكي ماشي حزين
ولادي هما فين قولي بسرعة
استني بس هما بخير
لا ماستناش اشوفهم مش عايزا كلام الله يكرمك ي احمد
هما ف شقتي في مصر الجديدة
انت عزلت
اتحرك بالعربية وكمل كلامه وهو سايق
بعت البيت كله اللي جامبكم وحطيت فلوسي ف قطعة أرض واشتريت شقة متوسطة كدا ف مصر الجديدة
اللهم بارك ربنا فتح عليك ي احمد ولسه زي مانت شيك ورشيق
افهم من كدا انك شيفاني حلو مش زي زمان مش عاجبك
ضحكت وقالت بحزن علي قرار خاطئ خدته زمان وسابت احمد الشاب الخجول الصامت واختارت زميل الجامعة الشقي المدردح كريم
الكلام دلوقتي مالوش لزمه زمانك اتجوزت وخلفت
انزلي وصلنا
طلعت علي الشقة كانت في الدور التالت ببلكونة واسعة وفرش كلاسيك بني ف بيج وتحف وانتيكات كلها ذوق وذو قيمة
ماما ماما
سارة وسالم حبايبي ايه اللي حصل
حكوا له كل حاجة وان عمو احمد هو اللي انقذهم من البرد والمطر
سالم بابا مارضيش يفتح لنا الباب واختار مراته وجدو سابنا ومشي
ي حبايبي انا آسفة مش هسيبكم تاني ولا هتبعدوا عني
انا متشكره اوووي ب احمد جميلك دا فوق
