اخذلني مرتين

لا ملوش داعي معايا عربيتي 
حمزة خلاص همشي وراكو عشان اطمن انكم وصلتم 
ميرنا ليه يعني مش مستهله كل دا الوقت مش متأخر اوي كدة 
حمزة يلا يا ميرنا قلت همشي وراكم يعني همشي وراكم بطلي مناهدة معايا بقا
وفعلا
وصلنا و مشي من غير اي كلام و اليوم دا انا مبطلتش تفكير فيه و دا كان مضايقني جدا مكنتش فاهمة انا عايزة ايه بالظبط عدي اسبوع كمان مكنش فيه اي جديد وفي يوم ما ندخل النادي عشان التمرين تلفوني رن برقم غريب تجاهلتة لاني كنت متاخرة و دخلت سليم بسرعه و حمزة ابتسملي وانا ردتلة الابتسامة و تلفوني رن تاني بنفس الرقم قعدت ع ترابيزة اللي بقعد عليها كل مرة و رديت 
ميرنا الو 
مدام ميرنا معايا 
ميرنا ايوة انا مين رتك 
انا سلمي مرات خالد والد سليم 
ميرنا 
سلمي مدام ميرنا رتك معايا 
ميرنا بصوت ضعيف احم اه خير في حاجة 
سلمي كنت متصلة استاذنك سليم يجي بكرة ير عيد ميلاد اخواتة و يشوفو بعض ممكن 
ميرنا بحيرة م مش عارفه احم مش عارفه ظروفي تسمح ولا لا 
سلمي ياريت تحاولي هكون مبسوطة اوي و الولاد كمان نفسهم يشوفوة جدا ممكن تحاولي 
ميرنا اه أن شاء الله ربنا يسهل 
سلمي شكرا لزوقك باي
ميرنا باي
انا قفلت وانا مش فاهمة ع مصډومة مشاعر كتير كانت جوايا وقتها لما عرفت عن نفسها ومش عارفه اعمل ايه اودي
سليم وسط ناس رافضه وجودة طب ما يمكن حد يضايقة مايمكن يحس باهتمام أبوة لاخواتة و يصعب عليه نفسه طب لو مش وديتة دا يبقي صح وليه مش أبوة اللي طلبه أو عمتو أو جدة ليه هي اللي اتصلت بيا فضلت في حيرتي دي لحد ما لاقيت حمزة و سليم جايين 
سليم مامااا سليم بطل 
ميرنا بتحاول تبتسم احلي بطل في الدنيا كلها يا حبيبي 
حمزة مالك 
ميرنا مفيش 
حمزة استنيني خمس دقايق بس ممكن 
ميرنا حمزة انا
حمزة اهو اتكلم بالزوق و استاذنك تتنكي عليا اصبري هنا خمس دقايق يا ميرنا هودي سليم تمرين الجمباز و اسيبة مع كابتن محمد وارجعلك تمام يلا يا سولي 
مشيو وانا قعدت مكاني و رجعت ل حيرتي من تاني رجع حمزة و قعد قصادي والمرة دي كان باين في صوتة القلق عليا 
حمزة مالك في ايه 
ومن غير ما افكر لاقيت نفسي بحكيلة المكالمة و الحيرة اللي انا فيها 
حمزة عايزة راي 
ميرنا ياريت 
حمزة طالما مش أبوة بنفسه اللي اتصل و أصر ع وجود ابنة معاه يبقي سليم ميرحش انتي مضمنيش
رد فعل خالد أو ماماتة ايه ما يمكن سليم يرجع من هناك متاثر سلبي باي حاجة خصوصا انك مش هتكوني جمبه وهو متعود علي وجودك في كل حاجة بلاش مخاطرة عشان اب ميستهلش ظفره حتي 
ميرنا انا بردو خاېفة سليم يرجع مش مبسوط و ابقي بدل ما بتقدم ل قدام ارجع خطوات ل ورا انا لما صدقت الاقي انة و جلسات كويسين وانة بقا في تقدم ف كلامة و استيعابة 
حمزة خلاص يبقي ليه الحيرة دي كلها و الحزن دا كله 
ميرنا صعب عليا اوي يا حمزة أن باباه مش متة بالشكل دا صعب اوي 
حمزة بتردد هو هو انتي لسه بتحبيه 
ميرنا لا طبعا أنا بس صعبان عليا سليم مش اكتر 
حمزة ولية لا طبعا 
ميرنا عشان أنا من وقت ما طلبت الطلاق و خالد طلع من قلبي و عقلي تماما و نظرتي ليه وحشه اوي و غلطتي الوحيدة في حق سليم ابني اني اخترتله اب زي دا عذري الوحيد أنه مكنش باين عليه أنه كدة خالص كنت هعرف منين ارجع واقولك أنا ابني اللي صعبان عليا وهو عايش من غير اب كدة مهما كنت أنا قوية و بعافر في الدنيا عشانة بس الأب اب يا حمزة الاب سند و انا مش عارفه لو يوم سليم سالني عنة اقولو ايه 
حمزة سليم محظوظ أن عندة أم قوية زيك هي الاب والام في نفس الوقت هي الحنان و الامان و السند ربنا يحفظة ليكي و تفرحي ديما بيه 
ميرنا امين يارب 
حمزة ممكن اطلب منك طلب 
ميرنا خير 
حمزة بعد بكرة في حركة جديدة مفروض سليم يعملها لوحدة ممكن لو عملها تسمحيلي اكافاة 
ميرنا تمام ايه المشكلة يعني هو دا الطلب 
حمزة ماهي المكافأة اني أودية الملاهي انا وهو وبس 
ميرنا 
نعم ازاي يعني 
حمزة بحزن انا مش هاذية والله ربنا يعلم انا بحبه ازاي كنت فاكر أن في ثقة بينا اكتر من كدا عموما انا اسف 
ميرنا بضيق انا مقصدش ا انت زعلت ليه دلوقتي انا بفهم بس وبعدين مفيش مكافآت غير دي يعني 
حمزة انا قلتله هنفذلك اي حاجة وهو طلب الملاهي 
ميرنا ماشي يا حمزة انا موافقه بس بليز متاخرهوش الموضوع مش عدم ثقة اد ماهي اول مرة يغيب عن عيني ف اكيد هكون
قلقانة
حمزة ببتسامة يعني انتي واثقة فيا يا ميرنا 
ميرنا بارتباك ا اه اه 
حمزة انتي علقتي اه ايه 
ميرنا انت رخم ليه ماقلت اه متهببه 
حمزة اتهببي بعيد عني بقا انا قايم 
قطعتة ميرنا ل تمريناتك و أطفالك حفظت خلاص اتفضل يلا
يتبع 
الفصل الثاني عشر
الحكايه الثانيه
لوحدي اقوي
حمزة ببتسامة يعني انتي واثقة فيا يا ميرنا 
ميرنا بارتباك ا اه اه 
حمزة انتي علقتي اه ايه 
ميرنا انت رخم ليه ماقلت اه متهببه 
حمزة اتهببي بعيد عني بقا انا قايم 
قطعتة ميرنا ل تمريناتك و أطفالك حفظت خلاص اتفضل يلا 
حمزة شاطرة 
ميرنا ل نفسها والله مچنون 
بعد ما سليم خلص تمرين التاني روحت و حكيت لماما اللي حصل وكان رأيها نفس راي حمزة بالظبط و احنا بنتكلم هند اتصلت 
ميرنا الو 
هند ميمو ازيك عامله ايه و سولي عامل ايه
ميرنا احنا تمام الحمد لله انتي عامله ايه 
هند تمام يا حبيبتي انتم وراكم حاجة بكرة كنت عايزة اجي اشوف سليم انا و بابا ينفع 
ميرنا تغراب بكرة ازاي 
هند ايه اللي ازاي انتي مشغوله يعني نخليها وقت تاني 
ميرنا هند في حاجة كدة انا مش فهماها ف اوعديني تكوني صريحة معايا ممكن 
هند في ايه يا ميرنا قلقتني 
ميرنا مش بكرة عيد ميلاد ولاد خالد التؤام ازاي انتي و عمي هتيجو تشوفو سليم 
هند بارتباك هه ا اي انتي عرفتي منين 
ميرنا في ايه مخبياة عني يا هند انا اعتبرتك اختي و عمري ما عاملتك غير كدة و كنت مبسوطة ديما بقرب سليم منك و مرضتش اخدك بذنب حد تاني ف لو سمحتي خليكي صريحة معايا في ايه انا معرفهوش 
هند طيب
ممكن اجي بكرة اشوف سليم و افهمك كل حاجة بس كدة هاجي لوحدي عشان نعرف نتكلم سوا وبابا يبقي يشوف سليم وقت تاني 
ميرنا تمام يا هند هنتظرك 
حنان في ايه يا ميرنا 
ميرنا والله انا مافاهمة يا ماما عموما هي هتيجي بكرة لوحدها و وعدتني تفهمني كل حاجة 
حنان خير يا بنتي انا هقوم اقعد ما سليم شوية و انتي حاولي تخلصي شغلك عشان بكرة تعرفي تقعدي معاها 
ميرنا حاضر يا ماما
طبعا معرفتش أغمض من التفكير يا تري في ايه خلي هند عايزة تيجيلي يوم عيد ميلاد ولاد اخوها طيب كانت هتاخد مني سليم باي حجة هي و عمي و ياخدوة العيد ميلاد من ورايا معقول بس انا وثقت فيها معقول كنت فهماها هي كمان غلط ياربي علي الحيرة دي
ومعرفش ليه في وسط حيرتي سالت نفسي لو حمزة قدامي دلوقتي و حكتلة ياتري كان هيكون رأيه ايه 
تاني يوم ع الظهر لاقيت هند عندي كانت جايبة لعب كتير ل سليم قعدت معاه شوية وبعدين انا دخلت 
ميرنا سولي ادخل اوضتك يلا العب بالحاجات الحلوة دي وانا جايه وراك مع عمتو 
سليم بضيق لا عمتو 
حنان تعالي يا سولي نشرب عصير علي ما عمتو تيجي ورانا يلا 
سليم تفاح 
حنان اه
يا حبيبي يلا 
ميرنا ادينا بقينا لوحدنا في ايه بقا
هند بتوتر الاول انتي عرفتي ازاي 
ميرنا جالي تلفون من واحدة بتقول انها سلمي مرات خالد و عايزاني اودي سليم عشان ير و يشوف اخواته ها بقا فهميني 
هند معقول سلمي عملت كدة 
ميرنا بنفاذ صبر يا بنتي اخلصي في ايه بقا
هند بحزن انا و بابا مش بنكلم خالد خالص و علاقتنا بىماما كمان كلها خناق ومشاكل بسبب خالد 
ميرنا ليه كدة 
هند بتوتر بصراحة احم اصل يعني هو 
ميرنا قولي يا هند 
ميرنا بجمود و مراتة ازاي تبقي عارفه موقفه دا و تتصل بيا تعزم سليم 
هند هي اكيد قصدها تحطة قدام امر واقع أنه اكيد لما يشوفو قدامو هيحن و كل الهبل ال ف دماغه دا يروح 
ميرنا لا طبعا ايه الكلام دا دي مخاطرة ب ابني و تعبي السنين دي كلها لو سمحتي ياهند ابعدو سليم عن كل دا انا تعبت اوي ع ما وصلت بيه ل كدة ارجوكي ياهند 
هند حاضر هتكلم معاها والله خلاص متضايقش بقا و حقك عليا
مرة تانيه بس ا انا زي ما انا مع سليم مش كدة وبابا كمان يا ميرنا ارجوكي متحرمناش منة ممكن 
ميرنا ايه
العبط دا احرمكم منة ليه هو اصلا بيحبكم جدا و متعلق بيكم بطلي هبل خلي عمي اي وقت يجي يشوفو 
هند خلاص بكرة هنجيلة النادي 
ميرنا بتوتر هه النادي
هند اه انا اقنعت بابا بالعافيه ياجل انهاردة انتم مش رايحين ولا ايه
ميرنا لا رايحين ماشي تمام هنستناكم بكرة 
هند طيب كفايه رغي بقا لو سمحتي انا هدخل العب مع سولي شوية 
حنان كنت لسه جايه اقولكم كفايه
كلام بقا انا كل شوية الهيه ف حاجة لما تعبت وبعدين عايزة الحق اخلص المحشي 
هند الله الله هو فيها محشي كمان 
حنان طبعا يا حبيبتي يلا ع ما تقعدي مع سليم شوية اكون خلصت 
هند تسلميلي يا طنطي يا حبيبتي انتي
حاولت مفكرش في كلام من اللي هند قالتة بس اتحججت ل ماما بأني عايزة اشوف حاجات النادي عشان اعرف انزل واروح بدري هند وافهم حمزة ان مش هينفع يخرج مع سليم وصلت كان حمزة قاعد قدام حمام السباحة و بيشرب قهوتة و مركز اوي ف موبايلة سليم اول ما شافة جري عليه 
سليم كاتبن كابتن النطق مش بيكون واضح كدة يعني كابتن دي ابني بيقولها مثلا تابتين بس عشان تفهمو اللغه 
ميرنا احم مساء الخير
حمزة مساء النور جاين بدري كدة ليه في حاجة 
ميرنا ممكن اشرب قهوة معاك ولا العزومات ل سولي بس 
حمزة اسمة سليم بلاش اسم الدلع المايع دا 
ميرنا انا حرة في ابني 
حمزة يا ساتر
متعرفيش تبقي كويسه ف كلامك جملتين ورا بعض لازم جملة كويسه و جملة دبش بيتحدف اقعدي اقعدي تعالي يا سليم جمبي هنا تشرب ايه 
سليم تفاح 
ميرنا طب ايه رايك نجرب انهاردة برتقال 
حمزة ليه سب
قاطعتة ميرنا وهي بتبرقله ب عينيها لا سولي شاطر