عبير سليم

اخاها لمشاركتها هذا اليوم 
كانت قد حكت لزوجة ابيها و قصت عليها كل ما حدث فطلبت منها ان تصبر عليها فهو غاضب منها مما فعلته به في العهد الماضي و لكن وجودهما في مكان واحد بالتأكيد سوف يجعل قلوبهم تنبض لحبهم و سوف تهنا معه 
أخذها و انتقل بها إلى منزله و برغم إلحاح خالها عليها ان تترك الصغيره الا انها رفضت ان تتحرك بدونها 

فتح بها باب شقته و دخلت و قلبها يتألم و جدت عيناها تبكي عندما رأت ذاك المكان الذي عاشت فيه أختها راتها أمام عينيها و هي تتحرك أمامها 
جلست مكانها لا تعلم ماذا تفعل و لا الى أين تتجه
أشار لها بأن تختار ما تريد و المكان الذي سترتاح فيه سواء أكان غرفة النوم أو غرفة الأطفال 
رفضت ان تنام بالغرفه التي كانت تخص اختها فهو لم يقم بتبديل اي شئ من الأثاث الذي كان لأختها 
اخذت الطفله و دخلا سوبا الى غرفة نوم الأطفال قامت بتبديل ملابسها و لبست بيجامه صيفيه عليها بعض الرسوم البسيطه و تركت لشعرها العنان كما تعودت دائما و ابدلت لأمل ملابسها و خرجت من الغرفه و توجهت الى المطبخ لإحضار الطعام للصغيره لكنها تفاجئت به امامها
الټفت لها اتفضلي عاوزة حاجه 
امل عاوزه اخد حاجه لأمل تاكلها هي اصلها ماكلتش من بدري
خالد التلاجه فيها كل حاجه 
امل تحب احضرلك العشا 
خالد لا شكرا انا مش جعان تصبحي على خير 
امل و انت من اهل الخير 
تاخد امل الأكل و تأكل امل الصغيره و تاخدها و يناموا 
طول الليل بيتقلب مش عارف ينام و لا قادر يغمض عينه مش قادر يصدق ان حبيبة عمره معاه فنفس المكان بينها و بينهم جدار و بعيد عنها كل البعد 
حط المخده على راسه و حاول ينام كتير لحد ما ڠصب عنه عينه راحت في النوم 
قامت الصبح حضرت الفطور و خبطت عليه الباب عشان يخرج ياكل
و بالفعل قام و دخل الحمام و صللى الصبح و قعد ياكل معاها هي و امل 
كان شايفها مبتاكلش و بتأكل امل بس لكن مهتمش الاكل قدامها عاوزة تاكل تاكل مش عاوزة هي حرة 
اخدت امل و قعدوا يتفرجوا عالتليفزيون و هو كمان قعد يتفرج عليه معاهم و بدأت تلعب مع امل و صوت ضحكهم عالي جدا و بعد كده قامت دخلت المطبخ عشان تحضر الغدا لقت في اكل كتير في التلاجه مراة خالها عاملاه سخنته و حطت الاكل و أكلوا سوا
عدا أكتر من أسبوع و هما كلامهم مع بعض قليل جدا يادوب
سؤال و جواب و بعدها نزل الشغل و كان يوم امل كله ما بين امل و اهتمامها بيها و شغل البيت و كلامهم مع بعض في أضيق الحدود و دايما قاعد ادام التليفزيون يااما بيشتغل عالكمبيوتر
و فيوم رجع ملقهومش اتصل عليها مردتش عليه و لما رجعت و سألها كانوا فين 
امل لقيت امل دافيه شويه اخدتها للدكتور 
خالد طب مش كنتي المفروض اتصلتي تقوليلي
امل محبتش ازعجك و انت في الشغل 
خالد محبتيش تزعجيني و اللا عاوزه تقوليلي انك مش محتاجاني فحاجه امل اللي عاوزك تفهميه كويس ان امل دي بنتي انا و انا متجوزك بس عشانها و أي حاجه تخصها لازم أكون على علم بيها و اياكي بعد كده البنت تتعب و انا معرفش
امل بهدوء حاضر يا خالد عن اذنك 
خالد هو انا مش بكلمك يعني المفروض من الأدب انك تقفي لحد ما اخلص كلامي 
امل اتفضل يا خالد عاوز تقول ايه تاني 
خالد هو انتي ايه البرود اللي انتي فيه ده انتي مالك فيكي ايه ردي علية و كلميني زي ما بكلمك 
أمل انت عاوز ايه يا خالد هو انت بتقول شكل للبيع قلت اللي عندك و قلت حاضر عاوز ايه تاني البنت تعبانه و لازم تاخد علاجها و انت عمال تديني دروس في الاخلاق 
خالد من فضلك انت لو قلت يا مشاكل حعمل و انا عندي لسان و اقدر اتكلم و ارد عليك الكلمه بكلمتها لكن انا اللي مش عاوزة كده 
و بعدين مش كل شويه تقوللي انا متجوزك عشان امل لأني انا كمان متجوزاك لنفس السبب يعني انت مش متفضلتش علية بحاجه فمن فضلك خلينا عايشين زي ما احنا و خلاص 
بعد اذنك يا خالد عشان ادي للبنت علاجها 
ياخد امل من عالكنبه و يشيلها ألف سلامة عليكي يا حبيبة بابا 
تجيب امل الدوا و تبدا تديهولها و هي على رجل خالد 
خالد خديها يا أمل و ادخلوا ارتاحوا 
امل بهدوء تحب احضرلك الغدا 
خالد متتعبيش نفسك انا حدخل اعمل اي حاجه خليكي انتي مع أمل 
تاخد أمل و تدخل بيها الأوضة و تفضل جمبها طول اليوم بتعملها كمادات و تديها العلاج 
و في نص الليل قام خالد يطمن على بنته خبط عليهم الباب محدش رد 
فتح الباب و دخل لقاهم نايمين بعض 
حط ايده على جبين بنته و اطمن لما لقاها بقت احسن شويه 
وقف يتأمل امل و هي نايمه قلبه بيدق جامد نفسه ياخدها نفسه يعيش معاها اللحظات اللي ياما حلم بيها لكن لاء مش حيحصل و لا عمري حخليه يضعف ادامك يا امل 
يخرج ويقفل الباب و يفضل صاحي لحد الصبح مش عارف ينام بيتقلب يمين و شمال و صورتها و هي نايمه ادام عنيه مش عاوزة تغيب عن عنيه لحظه
قام و راح الشغل و هو مش مركز و عنده صداع شديد مسك التليفون و اتصل عليها صباح الخير يا أمل 
أمل صباح النور يا خالد 
خالد امل عامله ايه دلوقتي 
امل الحمد لله بقت احسن كتير 
يقفل معاها الخط و ياخد قرص مسكن و فنجان قهوه و بردو مصدع 
قرر ياخد إذن و يرجع البيت ركب عربيته و في طريقه للبيت 
بعد ما اطمنت امل ان امل الصغيره احسن سابتها في السرير نايمه ودخلت الحمام تاخد دش عشان تفوق و بعد شويه وصل خالد الشقه و فتح الباب و دخل و راح ناحية الأوضة يطمن على بنته لقى الباب مفتوح خبط محدش رد عليه دخل لقى أمل بنته صاحيه و قاعده عالسرير بتلعب مع عروستها و بتشد فشعرها و بتاكل مناخيرها 
قعد خالد ادامها و هو بيضحك عليها و اخدها معاه اوضته و قعدها عالسرير و بدا يخلع ملابسه 
وقتها كانت امل خلصت استحمام و لأنها عارفه ان خالد في الشغل لفت على جسمها البشكير و شعرها على ضهرها و الماء بيتساقط على ضهرها و خرجت تلبس في الأوضه
دخلت الاوضه ملقتش امل اتخضت عليها امل امل راحت فين خرجت تجري تدور عليها في الشقه و هي بتنادي عليها امل يا امل لقت باب أوضة النوم مردود زقته و دخلت بسرعه و عنيها على أمل اتفاجئت بخالد واقف قدامها 
عذرا يا قلب فلقد خالفت وعدي معك و اخذني تيار هوائها إلى محيط جارف جرف معه حزني و آلامي آهاتي و حرماني لم أمتلك التحكم في زمامي فلقد استسلمت امام جبروت هواها و كانت لها القدرة على قيادتي و توجيهي حيث العشق و الهيام 
اعلم انك غاضب عني و لكن عذرا فلن أضعف ثانية للحظة عشق انستني ما فعلته بي و ما جنته عليك يا قلبي
بعد مرور عدة ساعات فتحت عنيها و قامت مخضوضه لقت نفسها متغطيه افتكرت كل اللي حصل و ابتسامه جميله اترسمت على وشها خرجت تشوف امل دخلت الأوضة لقتها نايمه و متغطيه اطمنت انها بقت بخير دورت على خالد ملقتهوش في الشقه رنت عليه جرس و مبيردش عليها
دخلت الحمام و خرجت صللت الفروض اللي فاتتها و هي نايمه و بعد ما انهت صلاتها رجعت تاني ترن عليه بردو جرس و مبيردش قعدت تتفرج عالتليفزيون شويه
كل شويه تبص في الساعه بدأت تقلق عليه مش عارفه راح فين لحد دلوقتي لبست إسدال الصلاه و وقفت في البلكونه تبص على عربيته لقتها راكنه ادام العماره معنى كده انه فمشوار قريب فضلت واقفه في البلكونه بتفتكر كل اللي حصل بينهم و مش مصدقه نفسها
لمحته و هو داخل العماره جريت بسرعه خلعت الاسدال و سرحت شعرها و لبست قميص بروبه جميل جدا و انتظرته يطلع وصل للباب و فتحه و دخل لقاها عينها عالباب بهيئتها اللي يا ما حلم بيها و أتمنى يشوفها عليها 
وقفت امل حمد الله على السلامة يا خالد 
خالد بجمود الله يسلمك 
امل انت خرجت امتى و رحت فين انا قلقت عليك اوي 
خالد قلقتي علية ليه هو انا عيل صغير 
امل لاء طبعا مقصدش بس اصلي توقعت لما اقوم من النوم حلاقيك جمبي اتفاجئت انك مش موجود
و كمان رنيت عليك كتير مردتش
خالد كنت حاسس اني متضايق و نزلت اتمشى شويه 
امل متضايق ايه اللي حصل في حاجه حصلت ضايقتك 
خالد معقوله انتي اللي بتسالي يعني مش عارفه ايه اللي مضايقني
امل و انا حعرف منين بس يا خالد انا نمت و صحيت ملقيتكش حعرف منين بس طب قوللي طيب مين اللي ضايقك 
خالد انتي يا أمل 
امل انا
خالد أيوة انتي
امل انا ضايقتك ازاي مش فاهمه 
خالد ساعدتيني اني أضعف يا امل و انا مكنتش عاوز أضعف المفروض ان في اتفاق بيننا طب انا و مكنتش في وعيي ڠصب عني ضعفت لما شفتك ادامي بالشكل ده
احتياجي للحاجه دي اللي من يوم ۏفاة اختك و انا محروم منها خلاني ڠصب عني أضعف ادامك و مقدرش اقاومك لكن انتي كنتي فين عقلك كان فين و انتي عارفه ان في بيننا اتفاق المفروض كنتي رفضتي كنتي منعتيني فوقتيتني مش تسيبيني اوصل لحاجه زي دي 
رغبتي
و احتياجي فقدني عقلي و مستغربه اني متضايق مع انك المفروض انتي اللي تكوني متضايقه مش انا
امل انت بتقول ايه يعني اللي حصل بينا ده من وجهة نظرك انه غلطه مجرد لحظة ضعف احتياج رغبه مقدرتش تمنع نفسك عنها يعني اللي حصل ده مكنش عشان انا امل لاء ده عشان انا مجرد ست ادامك يعني لو أي واحده تانيه كانت في مكاني كنت حتضعف ادامها كده و يحصل معاها اللي حصل بيننا ده
خالد أيوة يا امل اللي حصل ده كان مجرد رغبة مش اكتر و مش اي حاجه تانيه و لا ليه اي مسمى تاني بالنسبه لي لأنك متعنيش بالنسبه لي اي شئ و انا قلتلك الكلام ده قبل
كده و بقولهولك تاني
و ياريت تنسي اي حاجه حصلت بيننا و تعتبريها غلطه لحظة ضعف و نرجع لاتفاقنا تاني و ياريت
لو كل واحد فينا بعد كده يخليه فحاله عشان منرجعش
نضعف تاني
امل تعرف يا خالد انا الغلطة الوحيده اللي عملتها فعلا فحياتي اني حبيتك فيوم من الايام و غلطتي الاكبر اني وافقت اني اتجوزك انا مش شايفه ادامي خالد حبيبي اللي عشت عمري كله و انا مبحبش غيره لاء اللي انا شايفاه قدامي دلوقتي واحد تاني معرفهوش لا بيقدر و لا بيحس مفيش جواه غير كل قسۏة و جبروت 
انت فعلا معاك حق انا فعلا غلطانه لأني المفروض اني كنت امنعك و مسمحتش لنفسي ابدا اني استسلم لمشاعري و لا اخليها تتحكم فية و لا تأثر علية بالشكل ده 
المفروض كنت منعت قلبي من انه يشتاقلك و يحس بحبك
انا اسفه يا خالد اسفه بجد و مش بس كده انا حريحك مني و من وجودي يا خالد و من بعد النهارده مش حتشوفني تاني انا حاخد امل و حنمشي و مش حقعد معاك يوم واحد بعد النهارده و ياريت تبعتلي ورقة طلاقي لأني استحاله اعيش معاك بعد النهاردة
تاخد هدومها و هدوم امل و ترجع على بيت خالها 
و اول ما مراة خالها تفتحلها الباب تترمي و ټنهار و تحكيلها هي و خالها عن كل اللي حصل من يوم ما اتجوزوا لحد اللحظه دي 
ياخدها خالها و يعتذرلها انا آسف يا حبيبتي ضغطت عليكي و خليتك تتجوزيه بس و الله لأربيه و اجيبلك حقك منه و اعرفه ان مقامك غالي اوي و انه ميستاهلش ضافرك و كل دمعه نزلت من عنيكي و الله لادفعك تمنها غالي با خالد يا بني
خالد وقتها كان قاعد حزين متضايق من الكلام اللي قاله لأمل لكن كبرياؤه مانعه من انه يعترف بده 
حاسس ان قلبه تعبان من بعدها عنه لكن في نفس الوقت مش عاوز يظهر ضعفه ادامها و لا استسلامه لقلبها
يلاقي تليفونه بيعلن عن مكالمه ايوة يا بابا 
باباه هي دي الامانه اللي ائتمنتك عليها بقى امل تستاهل منك كده بس دي مش غلطتك دي غلطتي انا انت مكنتش تستاهلها ابدا و الله لاجوزها سيد سيدك
خالد حضرتك بتقول ايه يا بابا 
باباه هي كلمه واحده اللي حقولها و بس تطلق امل 
خالد ايه اطلق امل 
باباه جوازكم كان غلطه و جه الأوان عشان تتصلح
خالد غلطه هو حضرتك بتعتبر جوازي من امل غلطه
باباه انت حتستعبط مش انت اللي لسه قايلها كده ان اللي حصل بينكم كان غلطه اخس عليك و على تربيتي فيك
خالد في ايه يا بابا هو حضرتك مستكتر علية اني اخرج اللي فقلبي اني اهدى من الۏجع اللي جوايا بقاله سنين
باباه على أساس انك اترهبنت عالاقل هي لا اتجوزت و لا عاشت و حرمت على نفسها السعاده لكن انت معشتش حياتك ممتعتش نفسك مع امنيه الله يرحمها مخلفتش منك 
محسسني انك كنت قاعد پتبكي عالاطلال و محرم على نفسك كل النساء
كله الا الكرامه انت تجيب الماذون و تيجي تطلقها انت فاهم
خالد و انا مش حطلقها يا بابا لو اتطربقت السما عالارض مش حطلقها و حاخد بنتي و خليها هي فاعده عندكم
باباه محدش حيقدر ياخد امل من انت فاهم و أعلى ما فخيلك اركبه امل بنتها محدش حيقدر ياخدها منها و انت حتنفذ اللي قلت عليه و اللا حخليك ټندم ياخالد
خالد و انا قلت اللي عندي انا مش حطلق امل مش حطلقها يقفل ابوه في وشه السكه و ياخد بنت اخته و يحاول بهديها و يطيب خاطرها
مرت ايام و ايام و امل عند خالها و امل الصغيره فحصنها مبتفارقهاش لحظه و خالد في شقته سامع صوتها هي و بنته صوت ضحكهم في ودانه كل ما يدخل اوصة نومه يشوف ادامه اللي حصل بينهم قلبه واجعه اوي مش قادر على بعدها
و بعد مرور حوالي شهر اتصلت بيه اخته خالد حبيبي وحشتني اوي يا خالد 
خالد انتي كمان وحشتينا اوي يا نهى عامله ايه يا حبيبتي 
نهى انا بخير يا خالد
خالد انا كتب كتابي الخميس الجاي مش حتيجي يا خالد 
خالد ايه كتب كتابك من غير ما اعرف من غير ما حد يقوللي للدرجه دي انا بقيت غريب عنكم يا نهى
نهى معلش يا خالد متزعلش يا حبيبي بس و الله الدنيا هنا مش حلوة و لولا ان محمد عاوز يكتب الكتاب عشان يحضرلي الباسبور و أوراق السفر مكنش بابا وافق اصلا
خالد في إيه امل بنتي فيها حاجه 
نهى لا يا حبيبي اطمن امل الصغيره جميله و زي القمر لكن امل مراتك يا خالد
تعبانه اوي طول الوقت قاعده لوحدها و بټعيط تقريبا مبتكلمش حد مبتعملش حاجه غير انها قاعده بأمل و بس ده احنا بنتحايل عليها عشان ترضى بس تاكل لقمه وشها بقى اصفر اوي و صحتها كل يوم في النازل 
تعالى يا خالد شوفها و اتكلم معاها و حاولوا توصلوا لحل يريحكم انتم الاتنين
جه يوم الخميس و العيله كلها اتجمعت و امل لبست فستان رقيق عشان تحضر بيه كتب الكتاب 
اول ما دخل كان بيدور عليها بعيونه و اول ما شافها حس ان قلبه عاوز يخرج من مكانه 
و فجأة لقى واحد رايح ناحيتها و بيكلمها راح جري عليهم 
الشاب لأمل اعرفك بنفسي بشمهندس مصطفى 
خالد قبل ما امل ترد ايوة يا بشمهندس مصطفي خير 
مصطفي انا بصراحه بدور على عروسه و شفت الانسه و حسيت اني مشدود ليها و عاوز اتقدملها
خالد ااه و ماله الانسه بقى حضرتك عاوز تتقدم للانسه 
طب احب أعرفك بالانسه بقى الانسه تبقى مدام امل مراتي 
يعتذر الشاب و يمشي من ادامه 
خالد لباباه ينفع كده عاجبك اللي بيحصل ده 
باباه و انت زعلان ابه انت مالك و بعدبن يا فالح مانا لما اطلقها منك حجوزها مش حسيبها تضيع عمرها و هي بتربي بنتك
خالد و انا قلت مش حطلقها 
و يسيب المكان و يمشي اما امل فتدخل حمام القاعه و تتقيأ
تدخل عليها مراة خالها مالك يا امل فيكي ايه يا حبيبتي 
امل الحقيتي يا طنط انا تعبانه اوي مش قادره 
مراة خالها يالهوي الحقوني يا ناس الحقني يا محمود
بعد
مرور بعض الوقت 
يتصل عليه ابوه
خالد نعم يا بابا في حاجه تانيه حضرتك عاوز تقولها
باباه ايوة في حاجه مهمه عاوز اقولهالك
خالد خير يا بابا
باباه امل مراتك
خالد مش حطلقها قلت مش حطلقها 
باباه حامل
خالد ايه حضرتك بتقول ايه
باباه امل حامل يا خالد واحنا في المستشفى و هي تعبانه انا حبيت بس ابلغك عاوز تيجي اهلا و سهلا مش عاوز براحتك هي مش محتاجاك في حاجه
نزل خالد و جرى عالمستشفى دخل لقاها غايبه عن الوعي و المحاليل متعلقه في ايدها و وشها اصفر و باين عليه التعب و الإرهاق 
قعد ادامها و د موع عينيه مغرقه وشه
امل حبيبتي انا اسف يا امل اسف يا حبيبة عمري كله
انا مش مصدق اني انا اللي وصلتك للحاله دي عندك حق تزعلى مني و متسامحينيش اذا كنت انا مش مسامح نفسي امل اللي عاوزك تفهميه اني عمري ما حبيت و لا ححب غيرك و انك اول و اخر حب فحياتي 
كل كلمه قولتهالك و جر حتك بيها كنت بجر ح بيها نفسي قبلك كانت من ورا قلبي كنت بحاول اردلك اللي عملتيه فية كنت بحاول اتعبك زي ما تعبتيني لكن اكتشفت اني كنت بعاقب نفسي قبل ما اعاقبك يا امل انا اسف يا امل اسف يا حبيبتي يا حب عمري كله انا بحبك بحبك اوي يا امل انا مستعد اعمل اي حاجه في الدنيا بس تسامحيني و تفضلي معايا و جنبي و متسيبينيش يا امل
تفتح عيونها و تتكلم بضعف خالد
خالد امل حبيبتي سامحيني يا امل امل انا بحبك بحبك اوي انا اسف اسف يا حبيبتي انا حعوضك و الله حعوضك عن كل اللي حصل
امل مقدرش مسامحاكش يا خالد يا حبيب عمري كله
خالد يعني ساميحتيني يا امل 
امل كلنا بنغلط و كلنا لازم نسامح يا خالد
تمر الأيام و الشهور و السنين و الحب مالي حياتهم خالد وعد و وفي بوعده و عوض امل عن سنين البعد و الحرمان
و عمر امل ما نسيت اختها امنيه لحظه كانت كل يوم بتخللي امل تدعيلها و تقرالها الفاتحه قبل ما تنام و كانت دايما تاخد امل و يروحوا يزوروها و تحكيلها على كل اللي بتمر بيه امل و كل مواقفها الجميله 
صورة امنيه كانت متعلقه في الشقه عشان تفضل أدام عيونها و عيون بنتها دايما 
و خالد حبه ليها كل يوم بيزبد عن اليوم اللي قبله
يا امل تعالي
هنا ماتروحيش بعيد يا خالد متدخلش جوة الله يخليك يا ادم يا بني 
يا لهوي الناس دي حتجنني ياربي
يخرج خالد و يحط المنشفه على جسمه
امل ينفع كده بردو يا خالد تعب الأعصاب ده 
خالد مالك بس يا حبيبتي مانتي عارفه اني بعرف اعوم كويس
امل يا حبيبي البحر ملهوش امان و لا ليه كبير 
خدي يا حبيبة قلبي السندويتش ده 
امل مش جعانه يا ماما
امل بصي لو ماكلتيش يا امل مش حخليكي تنزلي المياه تاني
امل خلاص حاكل حاضر
امل و انت يا سي آدم مش حتاكل حتفضل صايم كده علطول 
آدم مث عاوت اكل
امل مث عاوث ايه
خالد هههههههه الولاد جننوكي يا امولتي
امل ما هما طالعين
متعبين زي اللي مخلفهم
خالد انا طب ده انا غلبان 
امل الصغيره هههههه هههههه
امل اضحكي يا حبيبة ابوكي 
خالد بقولك ايه منفسكيش تجيبلها اخت بقى او تجيبي اخ للواد ادم ده عشان يدخل الجيش
امل ليه فاكرني مجنونه كفايه علية عيالك دول اللي مطلعين عينيا 
امل ايوة يا ماما عشان خاطري انا نفسي يبقى عندي اخت و حياتي كل صحباتي عندهم اخوات بنات و انا لاء
ادم و انا عاوزث ولد عثان نلعب كوله سوا
خالد اهوه انا مقلتش حاجه يعني حضرتك دلوقتي مطلوب منك ولد و بنت 
صح يا امولتي
امل صح يا بابا 
امل و انا بقول اني غلطانه اني خليتكم تطلعوا من المياه قوموا انزلوا تاني يا للا مجنونه انا اصلي عشان اخلف تاني
هههههههه هههههههه
يقف خالد أمام البحر و هو يضع يده على قلبه و يحدثه 
عذرا يا قلب فلقد خالفت وعدي معك و لم استطع عقابها طيلة العمر فكفاها و كفاني ما تالمناه فهي عشقي و حبي و عمري كله فلتلتمس لي العذر فهي حبيبة العمر
تمت بحمد الله