رواية التائهه كامله للكاتبه غاده سعيد
ببساطه
_ ازاي ارجوكي ساعديني
_ روحي يابنتي السجل المدني وهما هناك هيقدرو يساعدوكي بس روحي بكرة عشان هما دلوقتي قافلين عشان الوقت اتأخر
_ حاضر هعمل كده ادعيلي يا ماما
_ ربنا يابنتي يقربلك البعيد
_ قمت امشي عشان اروح ل سالي ابات عندها عشان بكرة انزل من بدري عالسجل المدني
اعدت ادور علي حد اتكلم من عنده مش لاقيه حد
فجأه افتكرت تليفون الراجل الي معايا الي وقع منه
قلت اتكلم فيه لحد ما يتصل وادهوله
كتبت رقم سالي ولسه بتصل
لقيت رقمها متسجل عنده وكانت دي اول صدممه ليا
كتبت رقمها عالتليفون ولسه بتصل ايه دا رقمها متسجل عنده
فتحت السجل لقيت في بينهم مكالمات كتير
ايه دا هو مين وايه علاقته ب سالي انا لازم اعرف
طيب ما جايز تبقي صدفه
اعمل ايه اسأل سالي
الأحسن اني اسكت خالص واقفل التليفون ده واحاول اتوصل لحاجه
كلمت سالي من الكشك عشان اروحلها مانا هبات فين يعني
_ ها عملتي ايه قدرتي توصلي لحاجه
_ لا طبعا موصلتش ل اي حاجه
منا طبعا مش هقولها علي موضوع السجل المدني
احسن تكون عارفه حاجه ومخبياها
وجايز برضو اكون ظلماها بس الاحتياط واجب
_ انا هطلع انام انا اسفه اصلي تعبانه اوي
_ اه ياريت
خدت البرشامه وعملت نفسي شربتها احسن تكون مش برشامه صداع انا مش هآمن لحد بعد كده
طلعت فوق وقررت افتش في تليفون الشخص دا يمكن اوصل لحاجه
ملقتش اي حاجه غير رقم سالي مفيش حاجه تاني
ياترا ياسالي انا فعلا ظلماكي
بس وانا ماشيه لقيت نفس الشخص ماشي ورايا لا دا بيراقبني بقي
مشيت بسرعه وكان في زحمه دخلت فيها عشان اعرف اهرب منه والحمد لله عرفت اهرب منه
فجأه لقيت تليفونه رن
ايه دا دي سالي انا هفتح ومش هرد
_ ايوة يا حيوان مش بترد من امبارح ليه دي نزلت من بدري
متفقين عليا ليه ومع مين وايه علاقتهم بيا
وصلت السجل المدني وطلبت اقابل المدير هناك وقلتلهم اني لازم اقابله دي حاله حياه او مت
دخلوني عنده
وحكيتله قصتي استغرب جدا بس قالي انا هعمل كل الي بوسعي عشان اساعدك انا هاخد بصمتك وهوديها للمعمل وهناك هيعرفو انتي مين عن طريق بصمتك
_ بجد
_ ايوة بس اديني ٣ ايام وهقولك عالنتيجه
خرجت من السجل المدني وانا كلي أمل نفسي يعرفو انا مين
بس الموبايل الي معايا دا ممكن يجبلي مشاكل ولو عرفو انو معايا ممكن يأذوني رميت التليفون فالشارع عشان حد ياخدو كأنه لقاه مرمي وانا بقي هتعامل عادي جدآ وكأني مفيش اي حاجه يمكن تحصل حاجه تكشفهوملي
رحت لسالي تاني
