قصه مشوقه

بالظبط وأنا حاسة إن دقات قلبي بقت مسمعة في القاعة كلها ورغم حماسي إلا إني فضلت واقفة جنب أسماء لحد ما حسن الله يهديه يعتق البنت لوجه الله.
عقبالك يا أمينة يا رب لما ربنا يرزقك بابن الحلال.
أمنت على همسة أسماء بتمني وبتنهيدة كبيرة شديت ندى لحضني أول ما قربت علينا وأنا بضحك جامد على وشها اللي قلب طماطماية من الكسوف.
يا إخواتي بطاية بتتكسف.
دغزتني جامد فضحكت أكتر وشوية وسيبتها لأسماء عشان تفرح بيها هي كمان.. وبجد مين كان يصدق إن الأوزعة دي تتخطف من بينا بالسرعة دي
بجد أنا بحبك يا أمينة.. ربنا يرزقك بالزوج الصالح قريب يا رب.

كانت بتتكلم بدموع أنا عارفة سببها كويس فشديتها لحضني من تاني وأنا بطبطب على ضهرها جامد.
يا بت بطلي عبط حد يعيط يوم كتب كتابه! وبعدين يا بنتي دا نصيب ومكتوب عند ربنا.. هنعترض إحنا.
أنا بس كان نفسي انتي كمان..
قاطعتها
انتي أجمل عروسة بجد.. يا بخت حسن بيكي بالله.
ضحكت وهي بتضمني جامد وأنا شوية واندمجت من تاني مع البنات وإحنا بنحاول نفرفش قعدتنا شوية بعد ما الرجالة نزلوا وسابونا لوحدنا في الشقة.
أمينة.. اطلعي كلمي سيف بسرعة.. دلوقتي يا أمينة قومي.
بصيتلها باستغراب من لهفتها واستعجالها الغريب لكني قومت معاها وأنا بحاول أتأكد إن هدومي وخماري معدولين كويس.. طلعناله في الصالة وبمجرد ما شوفته كشرت
فيه إيه يا سيف حد يخض حد كدا بجد
كان مبتسم ابتسامة غريبة وعينه حسيتها بترقص بفرحة غريبة بصيت لأسماء اللي كانت مبتسمة نفس الابتسامة ومن قبل ما أتكلم قال
عندي ليكي حتة خبر.
بصيتله باهتمام فرد بسرعة
فاكرة قرعة العمرة اللي كنا مقدمين فيها
قلبي دق وأنفاسي اتخطفت وأنا بهز راسي بآه فكمل بسرعة لما شاف حالتي
مبارك يا أمينة.. كسبتي وجاتلك يا أمينة.
دموعي نزلت ومن غير تفكير نزلت سجدت وأنا كل اللي على لساني الحمد لله يا رب.. الحمد لله.
سيف قومني بعد دقايق لما هديت شوية وبسرعة ضمني ودموعه نزلت هو كمان.
استوعبت جملته بعد دقايق فمسحت دموعي وبعدت عنه وأنا بسأل باهتمام
طب وانت وأسماء يا سيف مين هيطلع معايا
دا بقى الخبر الحلو التاني.
مش فاهمة.
ابتسم
دكتور سفيان.
كشرت وأنا بهز راسي بعدم فهم فوضح
صاحبي يا ستي.. عم حازم اللي بتحفظيه يا ستي.. اللي عرفنا موضوع القرعة وقدملنا فيه أصلا يا أمينة.
ماله
ابتسم جامد
واقف تحت يا ستي وحاجز المأذون وحالف بالله ما هو ماشي غير لما يكتب كتابكم انتوا كمان.
عيني وسعت بذهول وانا ببص لأسماء.
المهم دلوقتي قوليلي انتي موافقة على الراجل دا ولا لأ عشان شوية وهيرتكب جناية تحت.
سيف هو..
ضم إيدي
هو بيتمناكي توافقي من زمان يا أمينة وكذا مرة يفاتحني في الموضوع دا بس مكنتش حابب أفاتحك في الموضوع دا غير لما أتطمن عليه وأسأل عنه كويس المهم إن حاليا الراجل اټجنن وحالف ما هو مروح غير وانتي مراته عشان يبدأ يجهز هو كمان للعمرة وتطلعوا سوا.
مكنتش قادرة أستوعب كلمة من اللي بتتقال لكن بمجرد ما بصيت لأسماء رديت
هصلي استخارة وأرد عليك.
بارك الله لكما وبارك عليكما وجمع بينكما في خير.
كنت لسة بنفس الذهول اللي استقبلت بيه الخبر من يومين وأنا بسمع كلمة المأذون وقبل ما أستوعب شيء كنت بتح ضن جامد وصوت الزغاريد بيعلى جامد.. يا جدع بالله انت وقح.
كان لازم اليومين دول يعني! يا شيخة تعبتي أعصابي وتعبتيني معاكي.
ابتسمت بكسوف ورديت وأنا ببعد نفسي عنه
دول مجرد يومين وبعدين مش عقبال ما صليت استخارة وفكرت وشوفت حضرتك يا دكتور.
كشړ جامد
حضرتي! دكتور! بتهزري صح

دا المأذون لسة قاعد يا شيخة اتقي الله.
ضحكت على تعابير وشه لكن معلقتش لما سيف قرب وشدني لحضنه باس راسي وبعدين وجه كلامه لسفيان وهو بيضمني أكتر
على فكرة أنا معنديش أغلى من أمينة في حياتي فمش هقولك لو زعلتها هعمل فيك إيه بجد.
هو حد يقدر يزعل القمر دا بس
خبيت وشي في دراع سيف بكسوف فضحكوا الاتنين جامد وأنا من الكسوف سيبتهم وجريت على أسماء والبنات.
بصيت لأسماء اللي استقبلتني بضحكة عالية ومرة واحدة رميت نفسي في حضنها وأنا بضحك معاها بذهول.
أسماء أنا اتكتب كتابي من شوية بجد! يعني أنا مكنتش بحلم
ضحكت وهي بتضمني
لا مكنتيش بتحلمي.
ضحكت أكتر وأنا بض مها وبمجرد ما بعدت عنها ولفيت لقيت سفيان واقف قريب منا شهقت بخضة وقبل ما أتكلم شدني من تاني لح ضنه وهو بيهمس بدفا
لا شيء يضاهي لذة الوقوع في عينيك يا حبيبي.
حبيبي! أنا نقطة ضعفي إني يتقالي يا حبيبي ينفع أقوله إن قلبي اتخطف!
ينفع.
شهقت بخضة وأنا بداري وشي فيه أكتر وهو صوت ضحكته علا جامد.. ومع ضحكته دقة من قلبي اتخطفت و.. باينلي كدا هبدأ أقع في غرامه ولا إيه!
فيه قاعدة بتقول عدم العلم بالحكمة لا يساوي العلم بالعدم وأنا عشت عمري كله مؤمنة بيها وزاد إيماني بيها لما بعد سنين لقيت إن فعلا سفيان هو العوض عن كل وحش قابلته في حياتي.. كان وما زال شخص دافي مستعد دايما يسعى لسعادتي تحت أي ظرف معندهوش مانع يسمع صياحي بالساعات بل وأحب ما على قلبه هي موجات الجنون اللي بتتلبسني ساعات لما بقرر أصحيه من عز نومه عشان أسمع عليه سورة النساء بحجة إني نسيتها مثلا.. عيون دافيين وصوت دافي وقلب وعقل دايما مشغولين بالطريقة اللي نكون أنا هو فيها قريبين من ربنا بالطريقة اللي تخلينا من عباده المحبوبين.. حاجات كتيرة أوي بحمد ربنا عليها كل يوم عشان لقيتها فيه وبجد.. أنا مشوفتش في حياتي شخص بينطبق عليه وصف السكن قد سفيان.. حبيب عيني وروح فؤادي وجوزي ربنا يجمعني بيه في الجنة.. آمين.
تم.
حدوتة من الدفا اللي حسيت بيه وأنا بكتبها ملامحي فضلت عاملة كدا.
هستنى أرائكم فيها وهقرأها بكل حب.. لذلك متبخلوش عليا بيها عشان بتفرق معايا.
وأراكم في حدوتة جديدة قريبا بإذن الله