سهر منتصف الليل
لميها يا فريده لميها
_ انا مش قادره اشتغل هنا مش طايقه المكان ولا الي فيه
اجابها عمر ببساطه
اتعودي
ورحل تاركآ اياها اما سيف قال
لو خاېفه علي نفسك متخلهوش يحطك في دماغه
_ حصل ايه يا فريده !!
قالتها ليلي وهي تقترب منهما بهلع لتقول فريده
كل حاجه خططلها راحت يا ليلي
_ قولتلك عمر مش سهل مصدقتنيش
قالتها فريده وهي تجلس علي الطاوله وټنهار باكيه تنهد سيف وهو ينظر الي ليلي الصامته تمامآ ثم هتف بصوت منخفض وهو ينحني ناحيه فريده
_ انت بتقولها ايه
هتفت بها ليلي وهي تجذب سيف من ذراعيه ليقول هو
براحه القميص مكوي يتكعمش كده مينفعش
رحل سيف لتقول ليلي
كان بيقولك ايه !!
_ بلاش نتكلم يا ليلي نهائي المكان فيه مكيرفون وكاميرات كل حته الحيوان حاطط فيه حاجه تجسي شكل حتي الاوضه الي بنام فيها موجود فيها جهاز ميكرفون تصنت
اجابه سيف بهدوء
ولا حاجه قولتلها تبعد عنك لانك لو حطيتها في دماغك مش هترحمها والبت شكلها غلبانه
ابتسم عمر بسخريه وهو يقول
وكلمتين دول لازم يتقالوا بوشوشه كده !!
_ لا انا كنت عايز اغيظ ليلي بس لان من وقت ما جات هنا وهي مدياني الوش الخشب
ليقول عمر بعدم افتناع
يمكن بردو
وفي صباح اليوم التالي
تركت هاتفها بجانب ليلي الغارقه في النوم ثم تاكدت من عدم وجود عمر بالمقهي الليلي ..
خرجت من المكان وذهبت الي الكافيه لتجد سيف يجلس علي الطاوله بانتظارها ...
اقتربت منه وهي تقول
اتفضل قول الي عندك يلا
اشار لها بالجلوس وهو يقول
الكلام ميتقالش وانتي واقفه كده اتفضلي اقعدي
قعدت اهو قول الي عندك يلا
_ انا ممكن اساعدك توصلي لصور بتاعك الي ماسكها عليكي عمر بس بشرط متجبيش سيرتي في اي حاجه
_ مش هجيب سيرتك متخافش هتساعدني ازاي !! وهتستفاد ايه اصلا ولما انت حنين كده مسكت ليه صور علي ليلي
_ عمر هكر موبيلي وشاف كل
الي بيني وبين ليلي وهددني يااما اجيب ليلي تشتغل يااما هينشر صورها فريده بصي انا مش قد اذيت عمر ولو انا جبت صور ليلي مضمنش ممكن يعمل فيا ايه
_ علي لاب توب الي في شقته كل حاجه بيحفظها عليه
_ يعني مفيش نسخ تانيه علي فلاشه اي حاجه كده
حرك راسه بالنفي وهو يقول
لا بس علي لاب توب
_ تمام دخلني الشقه دي وانا هعرف اتصرف
_ ادخلي بمعرفتك انا مليش دعوه حاولي تجيبي المفاتيح منه علي اقل لما تتكشفي قدامه هتبقي انتي بس الي في صوره سړقتي المفاتيح وډخلتي شقته
_ ده انت جبان اووووي طيب معاك نسخ لمفاتيح دي انت !
_ طبعا مش ساكن معاه بس مش هدهالك ولا هخليكي تعملي نسخه عليها لانه ممكن يعرف
ابتسمت فريده وهي تقول
ده انا هخليه يعرف انه انت ملكش اي علاقه بالموضوع وضحيه كمان بس انشف كده شويه وبلاش جبن الي انت فيه ده
الفصل الثاني عشر
تجلس علي الطاوله وتراقب كل شئ حولها لاحظ عمر ذلك اقترب منها وهو يقول
عينك بتلف من اول السهره ليه ! بتخططي لحاجه تانيه ولا ايه
لتجيبه هي
بص انا مليش خلق نهارده لا اغني ولا اشوف وش حد وخصوصآ وشك فسيبني في حالي وحيات عيالك لاني مش ناقصاك
_ ليه ليه ده كله بس قلقتيني عليكي يا شيخه
زفرت بقوه وهي تقول
اهو كده يااخي مخنوقه حرام اتخنق واعمل حسابك ساعه واحده انا رايحه مشوار
_ مشوار ايه الي يتعمل في نص الليل يا برنسيسه
اجابته ببرود
هروح بيت وماما نايمه اجيب هدومي لاني قرفت من هدوم الي انت جايبها
_ لو كده روحي ماشي بس لو حاجه بتخططيلها في دماغك صدقيني هتندمي لحد دلوقتي انا مانع شيطاني عنك بالعافيه انتي مش هتخلصي مني يا فريده غير بمزاجي انا حطي جمله دي في دماغك
_ عرفت خلاص مش الف مره تقول جمله دي في وشي حفظتها والله
_ عمر في بنات جبتهم جداد تعال شوفهم
قالتها نوجا الذي جات اليهم توءآ
نهض من مكانه وهو يقول
بس يكش يطلعوا حلوين لان كل بتجبيهم كسر ما شالله
رحل كلاهما اما فريده نظرت حولها مره اخري لتجد الستره الخاصه بسيف علي مقعد ما
راقبت خروج عمر من الملهي ثم نهضت من مكانها وتمسكت بالستره وبعثت بها واخرجت عدده مفاتيح اخفتها هي في جيب بنطالها وعادت مكانها مره اخري ...
وضعت يديها علي صدرها الذي يعلو ويهبط سريعآ بالاضافه الي دقات قبلها العاليه
__
انتهت ليلي من ارتداء ملابسها ثم هبطت الدرج لتصتدم بسيف امامها ..
وقف امامها ومنعها من النزول وكلما تحركت لناحيه يقف هو امامها هتفت هي بانفعال
ايه حركات العيال دي اوعي عديني ورايا شغل في كباريييييييييه
قالت كلمتها الاخيره بصوت مرتفع ليقول هو
وطي صوتك انتي هتردحي
_ لا بعرفك اني ورايا شغل في كباارييييه ومش فاضيه وقتي ثمين جدا رجاله بتاعتي مستنيني تحت
_ رجاله بتاعتك !!!
اجابته هي بتاكيد
اه اوعي بقي من وشي خليني اشتغل بمزاج
دفعته من امامها واكملت طريقها اما هو هتف مع نفسه بغرابه
امال ما صدقتي يا ليلي حد يوريكي طريق الانحراف !
____
بعد مرور عدده دقائق هدات انفاسها ودقات قلبها نهضت من مكانها وخرجت من الملهي لتجد عمر ونوجا وعدده فتيات بالخارج
اقتربت من عمر وهي تقول
انا رايحه بيتي زي ما قولتلك ربع ساعه او نص مش هتاخر
_ روحي يا فريده
_ تيجي معايا ! واهو يمكن اختي الصغيره تعجبك وتشغلها معاك
مط شفتيه بعدم رضا اطلاقآ ثم قال
روحي شوفي مصلحتك طيب بدل ما اغير راي واخليكي متتحركيش من هنا
_ وعلي ايه الطيب احسن
نظرت الي الفتيات ثم قالت
وانتو يا بنات يلي ناقصين تربيه شوفوا مذاكره بتاعتكم احسن من قله الادب دي
_ فرررررييييده
قالها عمر بتحذير لتقول هي
خلاص خلاص انا ماشيه اهو منك لله يلي اسمك نوجا بتاكلي عقل البنات الصغيره ربنا ياخدك
كادت ان تجيبها نوجا ولكن عمر اشار لها بيده ان تصمت ثم هتف
حرف تاني منك وهتزعلي يا فريده
_ انا ماشيه اصلا باي
قالتها وهي تلوح بيديها له ثم رحلت هتفت نوجا بانفعال
انت ساكتلها ليه عايزه افهم ما تاخدها قلمين علي لسانها ده
_ لولا لسانها كان زمانها محصله رانيا
ابتسمت نوجا بسخريه وهي تقول
وانت بقي بتحب البنات الي لسانهم طويل ولا ليه
_ تؤ تؤ بحب البنات الي زي فريده
القي بصره علي الفتيات مره اخري ثم قال
يعني مش بطالين اهم ينفعوا دخليهم يا نوجا ال Night club وعرفيهم النظام
استدار عمر ثم دلف الي الملهي الليلي لم يعجبه المكان بدون فريده يشعر بشئ
ناقص ..
وقعت عينيه علي سيف الواقف يتابع ليلي وهي تجلس مع الزبائن وتضحك بصوت مرتفع ومن الواضح انها تفعل ذلك حتي تكيد سيف ..
تناول زجاجه الخمر ثم رفعها علي فمه وارتشفها ثم قال
حب فيها يا روميو براحتك بس بردو مش هتجوزها قريب اووي هخليها تحصل رانيا ووريني بقي هتجوزها ازاي
_____
وصلت الي الشقه التي وصفها لها سيف جربت المفاتيح حتي وجدت المفتاح الخاص بشقه وفتح الباب
دلفت الي الشقه واغلفت الباب خلفها بهدوء
اضاءت انوار الشقه ووجدت الحاسوب امامها علي الطاوله ابتسمت بسعاده وهي تقول
الحمدالله الموضوع متسهل اهو
اقتربت من الحاسوب ثم قامت بتشغيله انتظرت عدده ثواني ظهرت امامها شاشه يطلب منها الرقم السري
ضړبت بقبضه يديها الاريكه بقوه هاتفه
اهو ده الي معملتش حسابه
اغلقت الحاسوب ثم تناولته وخرجت من الشقه وابتعدت عن البنايه باكملها ..
ظلت تسير في الطريق حتي وصلت الي كورنيش نهر النيل وقفت امامه ثم دفعت الحاسوب بكل قوتها الي النيل وابتسمت بسعاده هاتفه بغير تصديق
خلصت منه !! خلاص كده هرجع لحياتي تاني وكليه والسكاشن والله لاحضر محاضرات وسكاشن كلها مش همل من محاضره ولا من اي حاجه وهسامح ماما ڠصب عنها قلبها متعلق من زمان بواحد مش بايديها حاجه هسافر اسكندريه زي ما هي عايزه وكمان ده في مصلحتي عمر مش هيعرف يوصلي ابلغ عنه يا فريده ولا لا !!
بس لا بلاش ممكن ادخل في سين وجيم واساله وبتاع وانا عايزه اخلص من موضوع ده وانساه خالص باقي بس كاميرات ال Night club
نهض عمر من مكانه وهو يقول
انا همشي ولما فريده ترجع قولها يومك بكره اسود علي تاخير ده
هتف سيف بتساؤل
هتروح بدري النهارده ليه كده !
_ خرمان ومصدع هتيجي ولا هتقعد جمب السنيوره بتاعتك
_ شويه وهحصلك
_ يعني هتقعد جمب السنيوره ومالو تمام
رحل عمر اما سيف نظر الي ساعه يديه ثم قال
ربنا يستر
وصل الي الشقه الخاصه به ثم دلف اليها ليجد الاضواء مشتعله
هتف هو
غريبه انا كنت طافي الانوار كلها قبل ما انزل
وصلت اليه رائحه ما ليست غريبه عليه رائحتها هي التي يستنشقها دائمآ ..
وعندما لاحظ اختفاء الحاسوب هتف
فريده
اخرج هاتفه ثم قام بتشغيل كاميرات الخاصه بالملهي الليلي وبدا في اعاده الاوقات حتي ظهرت له صوره فريده وهي تقوم بسرقه المفاتيح من ستره سيف
هتف عمر بانفعال وهو يخرج من الشقه
الغبي
توقف عندما ظهرت صوره فريده وهي تمسك في يديها عصا وتهتف
ادي ام الكاميرات الي فرحان بيها وعاملي فيها شبح
اختفت من امامه صوره والصوره الاخري ايضآ
وصل اليه صوت سيف وهو يقول
متبقيش مجنونه عمر مش هيسكتلك والله سيبي الكاميرات دي بدل ما ينشر صورك الي معاه
صړخ عمر بانفعال مره اخري
سړقت مفاتيح منك يا غبي وانت زي اللوح مركز مع ست ليلي بتاعتك
____
الفصل الثالث عشر
لوحت بيديها وهي تحمل العصا هاتفه بزعيق
يا اغبياء المكان مليان كاميرات وبتصوروا بلبسكم ومناظركم دي امشوا قبل ما اي صوره توصل لاهلكم حرام عليكم تصدموهم فيكم وتخلوهم يشوفوكم كده هيتحسروا علي تربيتهم الي راحت هدر
قامت بتحطيم المكان باكمله لم تترك شئ الا وقامت بتحطيمه
تحدثت احدي الفتيات
ازاي يا نوجا قولتلي ان مكان مفهوش تصوير ولا كاميره ازاي كدبتي علينا !
صړخت وهي تقوم بتحطيم اخر كاميرا مراقبه راتها امامها
يعني نوجا يا اختي بتبيع سبح امشوا يلااا انا كسرت كاميرات وصوركم مبقاش ليها وجود امشوا واحمدوا ربنا اني جيت في الوقت المناسب ولحقتكم
ركضت الفتيات الي الخارج اما نوجا كانا تقف تتابع ما يحدث بصمت واخيرآ هتفت بسخريه
ده انتي عمر هينفخك نفخ
_
