فرصه ثانيه
من البلكونه وقبل ما أنام فضلت أقلب في صور تميم كنت دايما أحب أنام جمبه كنت بطمن بوجوده حتي في خصامنا كنت بطمن.
صحيت من النوم لقيت مكالمات كتيره جدا من تميم ومسدچات محتواها أنت فين سيبتي بيت بسنت ليه عايزه تبعدي عني طب طمنيني عليكي
اتنهدت وسيبت التليفون قومت صليت الفجر وخدت دش وعملت لي كوباية نيسكافيه عشان أفوق لبست بنطلون قماش بيبي بلو علي چاكت جينز والساعه ٧ نزلت من البيت ركبت أول تاكس يقابلني
هز راسه بالموافقه وركبت باين عليها شركه معروفه لبست الهاند فري وبدأت أندمج في الشوارع أسكندريه بلد حلوه أوي ومريحه للأعصاب روحتها مرتين وكانوا أحلي مرتين في حياتي لأني كنت مع تميم بس المره دي حساها ماسخه أوي ومالهاش طعم من غيره.
يا أنسه
خدت بالي أن السواق بيبص لي والعربيه واقفه قلعت الهاند فري وقال
ابتسمت وحاسبته ونزلت بصيت علي الشركه كانت عباره عن مبني ضخم جدا ضخم علي كتكوته زيي خدت نفس عميق وطلعته ودخلت من البوابه.
وقفت بعد ما دخلت لقيت ناس كتيره رايحه وجايه للحظه أتوترت وفضلت واقفه مكاني.
أزيك
بصيت ناحية الصوت لقيته هو كان لابس بدله كحلي ابتسمت وقولت
الحمدلله
تعالي معاي
مشيت وراه لحد ما وصلنا مكتب وقال
بزهول قولت
علي طول كده مش المفروض بعمل أنترڤيو الأول
ابتسم وقال
مش مهم وريني شطارتك أنت بس
شادي بيه في أجتماع كمان ساعه ولازم نقدم أربع تصاميم والتصاميم مجهزتش
هز راسه وبص لي وقال
تقدري ترسمي أربع فساتين!!
هزيت راسي وقال
تمام جهزي نفسك لأنك هتحضري الأجتماع
مشي وأنا حسيت بمسؤليه رهيبه قعدت علي الكرسي قدام كراسة الرسم الكبيره مسكت القلم وبدأت أرسم أول دريس تميم صممه لي وقتها كان لسه في بداية مشواره كان حابب يلبسني حاجه من تصميمه حاجه محدش لبسها قبل كده غيري تاني دريس كان أول دريس أرسمه وخدت رأي تميم فيه كان دايما بيشجعني كان دايما بيحاول يدخلني معاه المجال كان دايما يقولي عايزك قدام عيني طول الوقت.
أنسه هند أستاذ شادي منتظرك في غرفة الأجتماع
هزيت راسي وقومت بالورق وكوباية النيسكافيه كنت بسرع في مشيتي وبسأل عن مكان غرفة الأجتماع لحد ما وصلت.
خبطت عاي الباب ودخلت وأنا بنهج پصدمه قال
بصيت له بعيون واسعه وقولت
تميم!!
عقد حواجبه وقال
أنتوا تعرفوا بعض!!
بصيت له وبعدين بصيت علي تميم اللي قام من مكانه وقرب مني كنت بحاول أبعد عيوني عنه بس ازاي أبعدها وأنا عيوني مشتاقه لعيونه.
أنت بتعملي أيه هنا!!
حاولت أتمالك نفسي وبصيت له بثقه وقولت
بشتغل
رفع حاجبه وقال
بتشتغلي!! دلوقتي بقيتي بتشتغلي!! مش كنت بتحايل عليكي تنزلي معاي
سيبته وقعدت علي كرسي وقربت
كراسة الرسم من شادي تحت نظراته اتنهد وقعد قصادي.
شادي فتح الكراسه وبدأ يتفرج علي الدريسات ابتسم وقربها من تميم اللي أول ما شاف أول دريس بص لي.
شادي ابتسم وقال
بجد تسلم أيديك
ابتسمت بتوتر وقام وقرب مني وشدني بالجامد من دراعي وطلعنا برا الأجتماع.
بعصبيه زقيته وقولت
أوعا كده دراعي واجعني
أنت أيه اللي بتعمليه ده!!
بعمل أيه أنا بشتغل معتقدش أني عملت حاجه غلط
رفع حاجبه وقال
يا سلام تسيبي بيت صحبتك عشان عارف مكانك وتسيبي القاهره وتيجي أسكندريه عشان معرفش أوصلك
بعدت عيوني عنه وربعت أيدي وقولت
أنا محتاجه أبعد معتقدش أني هقدر أقرب من شخص عايرني بحاجه
خبط أيديه في الحيطه وقال
يا ستي أحلفلك بأيه أني مقصدتش
