فرصه ثانيه
وأنها وقت عصبيه
أحيانا العصبيه بتقول كل حاجه يا تميم ياريت تسيبني في حالي أنا قررت أشتغل وأعتمد علي نفسي وياريت في أقرب وقت تبعت لي ورقتي
سيبته ودخلت الأجتماع فضلت يبص لي لحد ما قعدت جوا بصته لي وكأنه بيتوعد لي حاولت أتجاهل نظرته.
أنت كويسه!!
بصيت لشادي وهزيت راسي وتميم دخل وقعد كملنا الأجتماع وتم التعاقد علي الدريسات وأتحولت للتصميم الفوري.
النيسكافيه وصل وأنا عيوني مازالت عليهم وفجأه لقيت أيديهم في أيد بعض.
رفعت حواجبي وخدت بق من النيسكافيه ومحطتش في بالي.
خلص اليوم ومسكت شنطتي ولقيت شادي دخل وقال
طلعتي موهوبه
المهم في شريك جديد أنضم للشركه هيتابع معاكي أول بأول وهيقولك علي الشغل وأنا هستلم القسم التاني عايزك تشرفيني قدامه
هزيت راسي وقولت
متقلقش أن شاء الله هطلع قد الثقه
خدت بعضي ومشيت ركبت تاكس وروحت البيت عملت لي صينيه مكرونه بالبشاميل ودخلتها الفرن دخلت التويليت خدت دش بارد وأول ما طلعت كانت المكرونه جهزت لبست وقعدت قدام الشاشه فتحت علي فيلم المراهقات فضلت أكل وأنا بتفرج علي الفيلم.
وصلت المكتب وطلبت النيسكافيه بتاعي بعد شويه سمعت أصوات كتيره برا استغربت طلعت أشوف في أيه.
عيوني وسعت وأنا شايفه الناس بترحب بتميم وفي أيديه واحده.
عيوني وسعت وأنا شايفاه مع واحده تانيه بص لي وساب أيديها وعدي من قدامي كان المكتب قريب من مكتبي.
بصيت لها وقالت بمياصه
أستاذه هند أستاذ تميم عايز حضرتك
بصيت لها بشمئزاز وقومت من غير ما أرد عليها روحت مكتبه ومن فير ما أخبط فتحت ودخلت.
أفندم البتاعه بتاعتك بتقول أنك عايزني
ابتسم وهو باصص في الورق وبعدين بص لي وقال
أطلعي وخبطي وبعدين أدخلي لما أنا أسمح لك ب ده
أدخل
دخلت ورزعت الباب من كتر غيظي بص لي ورفع حاجبه من الحركه وقال
أولا مسمهاش البتاعه بتاعتك لازم تنقي كلامك وتحترمي كل شخص هنا سواء مكانته كبيره أو صغيره
بعدت عيوني عنه واتنهدت پخنقه وقال
ثانيا وده الأهم لما تكلمي مديرك تنتبهي لكلامه
مديري!!
سند ضهره علي الكرسي ومسك ملف وحدفه ناحيتي بهدوء وقال
الملف ده فيه كل طلبات الشغل الجديد هنحتاج ألوان أيه والشكل أيه وأنت وشطارتك
لف بالكرسي وبص ناحية الشباك وسابني في
حيرتي مسكت الملف بعصبيه وطلعت روحت لمكتب شادي بعصبيه وخبطت ودخلت بعد ما سمح لي
هو أيه التهريج ده يا شادي!!
بص لي بستغراب وقال
في أيه!!
في أني مش هعرف أشتغل مع تميم
بس أنا قولت لك أنك هتبدائي شغل مع الشريك التاني
بس مكنتش أعرف أن هو الشريك
بص لي وفضل يحرك القلم ما بين صوابع أيديه وقال
بس أحنا قسمنا الأقسام علينا ومش هينفع نرجع في القرارات اللي زي دي
وأنا مش هقدر أشتغل مع تميم
فضل يبص لي ثواني وبعدين قال
خلاص يا هند روحي أنت شوفي شغلك وأنا هتصرف
هزيت راسي ومشيت من قدامه طلعت من المكتب كان تميم واقف علي باب مكتبه والغريب أن لأول مره أشوف تميم بيشرب سجاير.
خبط جامد وفتح الباب ورزعه وقال
كانت عايزه أيه
بخضه حط أيديه علي قلبه وقال
يا ساتر يا عم مش
