فرصه ثانيه

كده حرام عليك
بص له بضيق وقال
خلاص يا سيدي خلاص كانت عايزاني في حاجه شخصيه
رفع حاجبه وقال
نعم يا أخويا
ضحك وقال
يا عم روق كده متبقاش قفل ليها حق تخلع منك
پغضب مكتوم قال
شادي
اتنهد وقال
ابدا يا سيدي عايزاني أعيد معاك الأقسام وأخدها معاي عشان مش حابه تشتغل معاك
سكت وفضل ثواني يبص له وبعدين قال
وقولت لها أيه!!
فضلت أقولها مش هينفع بس بعدين قولت هتصرف

هز راسه وقال
ياريت تقولها تفصل ما بين الشغل والحياه الشخصيه
هز راسه وسكت طلع من المكتب وراح ناحية مكتبه فضل قاعد جوه مكتبه والخنقه محتله جسمه.
فضلت قاعده برسم الطلبات لحد ما اليوم خلص.
بعصبيه فتح الباب وقال
هو أنت كل ده بترسمي في شوية طلبات!!
بصيت ناحية الصوت وقولت
أفندم!!
رزع الباب وقال
لو مش قد الشغل ده تقدري تقولي وأعين حد تاني بدالك أحنا جايين نشتغل مش نلعب
رفعت حاجبي وقولت
والله أنا بعمل اللي علي وعشان أنا عندي ضمير فا مش برسم أي حاجه كده وخلاص
هو أنت بتردي علي!!
ابتسمت بهدوء وقولت
لاء أبدا بس بشرحلك
لاء مهو المفروض لو أخدتي بالك وواحده متعلمه زيك بتعرف تقرأ وتكتب تعرف أن المفروض تسلمي الشغل ده من نص ساعه
بصيت علي الملف وعيوني نزلت علي الوقت للحظه حسيت بأحراج شديد.
رفع حاجبه بثقه وقولت
تمام دقايق وهكون خلصت
هز راسه وطلع ورزع الباب فضلت أرسم لدرجة أن ضهري حرفيا كان تاعبني وقد أيه تعبت في الرسومات.
خدت الكراسه وطلعت وأنا مبسوطه بالرسم روحت ناحية المكتب خبطت عليه وبعدين دخلت بعد ما أذن لي بالدخول.
دخلت ولقيت البنت المايصه مايله عليه وهو مندمج في الملفات وبيمضي وهي مستغله ده وعماله تقرب.
عقدت حواجبي وبصيت بقرف ورزعت الباب بص لي وهي عدلت نفسها بصيت لها بقرف وقال
خلصتي!!
آه خلصت بس الواضح مش كله هنا جاي يشتغل برضو في ناس هنا جايه تلعب
بصت لي بقرف رفعت لها حاجبي وخدت الملفات وجت تمشي.
قطعت طريقها قبل ما تفتح الباب وقربت منها وهمست لها وقولت
أظن أنت عارفه كويس أحنا كبنات بنقول أيه علي واحده بتحاول تقرب من راجل متجوز
بصيت لي من فوق لتحت وفتحت الباب وطلعت ابتسمت وقربت من مكتبه وحطيت له كراسة الرسم قدامه
خلصت الطلبات
بص لي وبعدين فضل مندمج في الملفات اللي في أيديه رفعت حاجبي وكنت همشي وقال
أستني
رجعت مكاني وبص لي وقال
أنا سمحت لك تمشي!!
شكلك مشغول وكمان شغلي خلص المفروض أمشي
قفل الملف اللي في أيديه وحطه علي كومة ملفات تانيه وقال
لا للأسف
أنت مطوله معانا شويه تقدري تاخدي الملفات دي كلها وتبدأي تشتغلي فيهم عشان ده موسم الشتا كله
عيوني وسعت وبصيت في ساعة أيدي وقولت
هشتغل في موسم الشتا دلوقتي!!
هز راسه وقال
لو مش هتقدري ممكن أخلي رانيا تقعد معاي وتشتغل هي بدالك
بصيت له بعصبيه وشيلت الملفات ومشيت من قدامه طلعت وأنا بنفخ من كتر العصبيه دخلت المكتب ورزعت الملفات.
فضلت ماشيه في وسط المكتب بحاول أهدا فضلت شويه لحد ما قررت أقعد وأشتغل حتي لو هطبق.
عدت ساعه وأتنين وتلاته والشغل عمال يكتر قدامي الباب خبط عيوني كانت مجهده جدا.
بصيت ناحية الباب وقولت
أتفضل
دخل وفي أيديه فنجانين قهوه رجعت بصيت للشغل تاني وحاولت أتجاهل أستفزازه ومتعصبش.
حط فنجانه علي التربيزه الصغيره اللي ما بين الكرسيين وشال الملف من قدامي وحط لي الفنجان وقال
أشربي القهوه الأول
مسكت الفنجان وبعدت عني ومسكت الملف وبدأت أكمل شغل.
وده أسمه أيه بقى!!
بصيت له وفضلت عيوني مركزه علي عيونه وقال
بتبصي لي كده ليه!!
بحب ملامحه لما بينطق الجمله دي بحس أنه خاېف لأحس بأحساس وحش ناحيته هزيت راسي برفض ورجعت
بصيت علي الملف.
قرب مني ومسك أيدي وقال
تعالي معاي
عقدت حواجبي وقولت
علي فين
ابتسم وقال
تعالي بس
مسك فنجانه وخلاني أمسك فنجاني ومسك أيدي وطلعنا برا المكتب الشركه كانت فاضيه بطريقه تخوف ونورها كان هادي أوي يعني لو ضايقته وحب ېقتلني محدش هيعرف حاجه.
فضل ماشي بي لحد ما طلعنا فوق في السطح بصيت حوالي وقولت
هو أنت جايبني هنا ليه!!
بص لي وساب أيدي وراح سند علي السور وقال
وأخرتها أيه يا هند
بصيت له بستغراب وقولت
أخرتها أيه في أيه!!
في اللي بتعمليه أو في اللي أحنا بنعمله!!
بصيت للسما علي النجوم أو بمعني أصح علي النجمه المنوره كنت دايما لما بشوف نجمه منوره كنت أحكي لها كل حاجه في قلبي علي أساس أنها سمعاني كنت بحس أنها بتيجي في الوقت اللي تهون علي فيه
ابتسمت لها وهو فضل يقرب مني بهدوء وأنا مندمجه مع النجمه محسيتش بنفسي غير وأنا جوا حضنه كنت قد أيه محتاجه الحضن ده.
بصيت له وأنا في حضنه وكان اللي متبت في جامد.
بعدت عنه بهدوء وقولت
أنا هنزل بقى عشان أكمل شغل
كنت همشي بس وقفني كلامه
مبقتيش تطيقيني يا هند مبقتيش تحبي تميم
بصيت له وقولت
أنت السبب
أنا السبب!! ليه ده أنا حاولت معاكي وأخرتها أيه سيبتي البلد ومشيتي منها كل ده عشان معرفش أوصلك
سكت وبعدت عيوني عنه وقال
مش ملاحظه أن حتي لما فكرتي تبعدي القدر جمعنا تاني يا هند
عشان كده لما جمعنا تاني حالف لتبهدلني
بصيت له بتعب وزعل ولوم ومشيت من قدامه.
جري وراي وقال
أنا مبهدلتكيش أنا زعلان زعلان أوي صدقيني لو كنتي قولتي أنك عايزه تعتمدي علي نفسك كنت وقفت جمبك أنما أنت لجأتي لغيري لجأتي لغيري بعد ما كنتي بتجري علي أول واحد
ودي غيره!!
بعد عيونه وحسيته دمع هز راسه وقال
ڠصب عني تخيلي لما يكون في حياتك شخص بيحكي لك كل حاجه عن حياته كل حاجه تعرفيها عنه وفجأه يبعد
لتاني مره هقولهالك يا تميم أنت السبب
سكت ومسح دمعه نزلت من عينيه ڠصب عنه لتاني مره أشوف تميم بيعيط عشاني أول مره لما أهلي رفضوه قد أيه حاول عشاني مره وأتنين وتلاته لحد ما وافقوا عليه كان ماسك في بأيديه وسنانه للدرجه دي أنا قاسيه للدرجه دي هو ميستاهلش فرصه تانيه.
كان هيمشي بس مسكته
من أيديه وحضنته حضنته بقوه كنت متبته في حضنه كنت خاېفه قسۏتي عليه تضيعه مني قد أيه أنا ساذجه.
تبت في الحضن وډفن وشه في رقبتي وقال
والله ما كنت أقصد أجرحك أنت أكتر واحده عارفه أنا قد أيه أتعذبت عشان تبقي لي
بعدني عن حضنه وسند وشه علي وشي وقال
أنا أسف
بصيت له وابتسمت وقال
مسمحاني يا هند!!
هزيت راسي وقولت
مسمحاك
باسني من خدي وفجأه شالني ومشي بي وقولت
علي فين!!
علي بيتنا
ابتسمت وسندت راسي علي كتفه.