أنا مرهنة عليك

انا مراهنة عليك انك هتكسب المناقصة وهتبقى الكينج في السوق باذن الله .
رد عليها من غير ما يبص لها
من غير ما تقولي يا بنتي انا اصلا واثق في نفسي جدا مش محتاج منك الكلمتين اللي انت بتقوليهم دول ما يفرقوش معايا أصلا.
اتضايقت جدا من رده عليها واتكلمت بعتاب
ليه دايما بتحاول تصدني كده يا ادم ودايما قافل البيبان ما بيني وما بينك هو انا بعمل حاجه مزعلاك مني 

نفخ ادم بضيق وجاوبها بتوضيح
يا بنتي قلت لك مېت مره انا بعتبرك زي اختي بالظبط مامتك ومامتي اصحاب من زمان واحنا يعتبر متربيين مع بعض وانت بالنسبه لي اختي يا نور ومش بحب ازعلك ولا اضايقك بس لازم افوقك من الوهم اللي انت عايشه فيه .
اتضايقت من رده ومهما حاول يفهمها كده اللي في دماغها في دماغها هي مش بس بتحبه ده هي بتعشقه وبتتمنى قربه لكن هو مش شايفها خالص وردت على كلامه بنفي
لا يا ادم احنا مش اخوات ولا عمرنا كنا اخوات ومش علشان مامتك ومامتي اصحاب تحكم على حبي ليك انه ما ينفعش يا ادم افهم ما تضيعنيش من ايدك وما تضيعش حب وقلب بيتمنى لك الرضا .
كالعاده سابها ومشي وهي واقفه مكانها بس المره دي اتضايقت جدا وحست بالۏجع اللي بتحس بيه كل مره لكن النوبادي زاد عليها قوي
ودموعها نزلت على وشها من كتر ما هي متضايقه منه ومن كتر ما پيجرحها وهو مش حاسس 
فجت صاحبتها من وراها وشافت الموقف من بعيد وجت وقفت قدامها ومسكتها من كتافها الاثنين وهي بتقول لها
طول ما انت بتعرضي نفسك عليه وبترخصي حبك وقلبك عمره ما هيشوفك يا نور غير ما عينه شايفاك بالظبط 
يا بنتي افهمي لا الوقت ولا الزمن هيخلوه يشوفك زي ما انت ما عايزه غير لما انت تغيري من نفسك ومن اسلوبك معاه وصدقيني انا واثقه ومتاكده ان هو بيحبك زي ما انت ما بتحبيه بالظبط بس محتاج دافعه .
حسيت نور بطيف امل من كلام صاحبتها اللي مختلف تماما عن كل مره بتقوله لها وسالتها برجاء
بجد اللي انت بتقوليه ده يا ميري انا مش فاهمه معنى كلامك انت اول مره تتكلمي معايا كده
مسكت ميري ايديها ومشيت جنبها وفهمتها اللي تقصده 
تعالي بس نتمشى شويه ونفكي من الجو الكئيب ده وانا هفهمك تعملي ايه بالظبط بس هتسمعي كلامي وهتنفذي كل اللي انا بقول لك عليه ولا مش هتقدري
شاورت لها براسها بمعنى انها موافقه على اي كلمه هتقولها لها وفضلوا الاتنين ماشيين جنب بعض نور بتسمع لكلام ميري ونصائحها واللي قررت ان هي فعلا تنفذها طالما ان هي ممكن تجيب نتيجه 
ومرت الايام وميري بتنفذ اللي اتفقت معاه مع نور وماشيين تمام جدا اما ادم